《愛回家之開心速遞》早兩集講到金城安（周嘉洛飾）為了討好一向對他嚴厲的媽咪熊尚善（滕麗名飾），不惜利用媽媽的同情心，扮自己是她年輕時養的愛犬Lucky「托世」，先在背脊畫出同Lucky一樣的心型胎記，誤導媽咪指由細到大都有，只是愈大愈深色，後來更學狗仔扮有靈敏的嗅覺和撒嬌，令熊尚善一度以為真的是Lucky再投胎，更大方狂買禮物畀囝囝，希望彌補當年失去牠的遺憾，沒想到後來揭發原來由頭到尾都是金城安的詭計，令她一怒之下，瘋狂教訓他，用替Lucky梳毛的梳來梳他的頭髮，又要求金城安去咬仇人。不過最終，金城安挺身而出救媽咪，終於令熊尚善心軟下來。
相關新聞：《愛回家》Bonnie生日開粉絲聚會 男多女少有媽媽監場
金城安扮嗅覺靈敏，為潮偉找拖鞋。(圖片：《愛回家之開心速遞》電視截圖)
安仔刻意在背脊印心型胎記呃媽咪。(圖片：《愛回家之開心速遞》電視截圖)
媽咪非常大方買禮物，安仔即時扮狗仔式撒嬌。(圖片：《愛回家之開心速遞》電視截圖)
安仔仲話自己識同狗仔溝通。(圖片：《愛回家之開心速遞》電視截圖)
被揭發講大話之後，熊尚善大大力用扇打他的頭。(圖片：《愛回家之開心速遞》電視截圖)
熊尚善為教訓廢青安，用狗毛梳來梳他的頭髮，令他叫苦連天。(圖片：《愛回家之開心速遞》電視截圖)
飾演金城安的周嘉洛接受《晴報》訪問，他表示：「我本身好鍾意呢集，睇劇本時已經有啲感動，金城安前世係媽咪好鍾意嘅一隻寵物狗，即係原來金城安一直喺佢身邊守護緊佢，我覺得成個故事個設定好靚。」今次一集除了被狗毛梳梳頭，還被滕麗名扑頭，其實周嘉洛被打的次數實在數之不盡，最為人所記得的當然是較早前連摑14巴，而全家去夾公仔機的一集又再摑，而且次次都非常真實，打到勁大聲，而皮膚白滑嘅金城安每次都兩頰爆紅，認真陰公。
相關新聞：《愛回家》HEHE味成賣點 金城安朱凌凌孖住拍廣告搵真銀
{{hket:inline-image name="67479187_415831155705103_8599617118339478036_n.jpg"}}{{/hket:inline-image}}
嘉洛直言非常喜歡呢一集。（圖片：周嘉洛IG )
嘉洛表示：「其實我同阿滕真係好夾，我自己入行4年時間，主要拍攝劇集都係《開心速遞》同埋《八時入席》，佢絕對係我夾得最多嘅前輩之一。佢真係好好，好肯畀機會後輩去發揮同埋可以同佢一齊鬥戲，其實好多鬥嘴同埋狂打我嘅鏡頭，事前都係有夾過，打落以為好真，其實唔係真打，只係我哋夾得準，而我做個反應好誇張同好大，睇落好似好痛咁。」
{{hket:inline-image name="53870696_646978682423478_2981611690460073387_n.jpg"}}{{/hket:inline-image}}
阿滕同老公當正嘉洛係囝囝一樣。（圖片：周嘉洛IG )
{{hket:inline-image name="46311243_137315173941173_1830303351807255028_n.jpg"}}{{/hket:inline-image}}
嘉洛抽空去支持媽咪有份演出嘅舞台劇。（圖片：周嘉洛IG )
問到現實生活中的嘉洛同媽媽相處是否都一樣？嘉洛說：「我同自己媽咪相處方式一啲都唔似，不過媽咪就冇得比較，自己同媽咪相處一定係最自然，我同阿滕係似姐姐咁相處，佢係個好照顧我嘅姐姐，成日都討論工作，而且佢好博學，好多日常知識都會教埋我。」
廢青安呢個裙腳仔演得非常正！（圖片：周嘉洛IG )