《晴報》睇住賞 送3部任天堂 Switch Lite

黛安自從買咗任天堂出嘅Switch遊戲機後，簡直愛上打機，仲好緊貼電玩潮流，每次推出新遊戲，黛安一定會同姊妹們率先購入，試玩一番。仲記得每次家庭活動或者朋友聚會時，Switch都特別受歡迎，所以黛安都會帶定Switch出外。不過，現時嘅Switch版本放入手袋都非常佔空間，但黛安收到風，任天堂將會推出迷你版嘅Switch Lite，設計可愛小巧又方便攜帶，令黛安都心思思想去買。

全新嘅Switch Lite比現時嘅型號更輕巧，採用控制器同主機一體化設計，機身進一步縮細，拎上手又唔會覺得重。

雖然同朋友一齊打機總係特別開心，但就好快玩到無電，而Switch Lite今次就作出咗改進，電池續航時間由3小時大大增長至大約7小時，可以盡情同朋友一齊玩個夠啦。Switch Lite仲支援所有手提模式嘅遊戲軟體，大把遊戲任你玩！

《晴報》姊妹話畀黛安知，即日起至9月7日，《晴報》會送出3部Switch Lite。可以快人一步享受打機新體驗，咁着數當然要立即登入《晴報》Facebook參加遊戲啦！