唔係人人一出世就天生麗質,不過好多女人相信一白遮三醜,女藝人都係好依賴化妝,工作要靠濃妝放大表情,平時出門都要化,因為歲月催人老,為免被記者偷影到,佢哋都紛紛化妝遮蓋臉上皺紋同瑕疵。結果女藝人嘅一張臉總係化上完美妝容,保持最佳一面示人,令佢哋嘅素顏變得好神秘。
不過為咗拉近粉絲同自己嘅距離,現在唔少女藝人主動大曬素顏,以天生好膚質、濃眉大眼暗示自己真係美人胚子。以下有唔少TVB女藝人就將一層層嘅化妝品卸走,敢於公開裸肌,當中不乏《街坊財爺》嘅女主角、女配角同其他客串女演員。
林淑敏
愈睇就愈覺得林淑敏好正呀,點解可以咁後生嘅?
苑瓊丹
冇諗過55歲嘅佢又keep得幾好!
黃智雯
黃智雯靚女就一定啦,冇化妝依然好靚。
邵美琪
係個眼圈位同黑眼圈勁咗,遮瑕補番就ok,原本對眼夠大。
姜麗文
化妝同唔化妝個樣都一樣咁靚,好似鬼妹呀,唔怪得喺《愛回家》扮菲傭姐姐咁似。
姚嘉妮
姚嘉妮41歲,係1998年亞洲小姐季軍,素顏嚟講皮膚好好,只係眉毛少咗啲啲。
葉凱茵
葉凱茵黑眼圈比較大,化妝遮返少少就ok喇。
謝安琪
其實呢張素顏好似都唔係好素...不過女神點都咁靚。
趙希洛
一樣係紋咗眉,睇唔出佢真正素顏係點。
張名雅
果然係港姐冠軍,唔化妝都好索。
朱凱婷
皮膚好好呀,令人羨慕。
莊思敏
其實冇化妝仲靚女,隻眼大咗好多。
陳貝兒
貝兒啲皮膚白裡透紅,唔知用咗咩護膚品呢?
莊思明
莊思明素顏個樣同家姐莊思敏一樣!
張文慈
張文慈呢個年紀可以有咁嘅高質素,其實係好勁。
陳敏之
係冇咗條眉欠咗少少神。
何雁詩
後生女果然係後生女,青春贏晒。
江美儀
做演員皮膚絕大部分真係好好,美儀就係好例子,仲要一啲妝前妝後分別都冇。
江欣燕
同樣只係條眉毛疏落咗,但五官依然好明艷照人。
龔慈恩
龔慈恩個女咁靚,梗係遺傳自呢個靚媽媽啦。
李璧琦
一向運動形嘅璧琦擁一身健康膚色,而平時亦都冇乜化濃妝,所以素顏冇乜分別。
林穎彤
嘩,林穎彤完全成個中學生咁。
林泳淘
泳淘唔化妝頹咗啲,不過反而有種真實嘅美。
林漪娸
呢張雖然有搽唇膏,不過都睇得出素顏嘅佢好掂。
萬綺雯
好耐冇見過蚊蚊,終於睇到佢冇化妝嘅樣喇。
黃翠如
化妝又好唔化妝都好,老公蕭正楠都咁鍾意啦。
姚瑩瑩
瑩瑩唔化妝都係個靚媽咪!
(各大藝人instagram,微博,TVB電視截圖)