張景淳（Stanley）在《愛回家之開心速遞》入面飾演的龔燁由做壞人到慢慢被熊若水（呂慧儀飾）感化而變好，角色大受歡迎，深得不少電視迷支持。景淳不時會收到粉絲所送的禮物，而他為了讓粉絲知道他會用心打開每一份禮物和睇信，他多數都會開網上直播，同大家一齊拆禮物，非常細心。在過往的直播之中，見到送給Stanley的禮物多數都是動漫的Figure公仔或者相關產品，而Stanley每次見到都好似小朋友一樣，非常雀躍開心。
《愛回家之開心速遞》入面的「龔水戀」大受歡迎。(圖片：張景淳IG)
張景淳在單親家庭中成長，自細同玩具為伴。(圖片：張景淳IG)
粉絲不時為他送上動漫主題的禮物。(圖片：張景淳IG)
湯包都有成箱。(圖片：張景淳IG)
在直播的背後總是見到Stanley家中的陳列櫃，入面滿滿都是模型公仔，絕對是標準動漫迷一名。不過，昨晚Stanley再開直播，近日的禮物似乎有所改變，由Figure公仔改為大量生活用品，當中包括服裝、湯包、意粉、退燒貼、冰極濕紙巾....甚至連滅蟲噴霧彈都有，認真搞笑！
相關新聞：《愛回家》龔燁再掀收視高潮 「走水」轉拍檔搵新火花？
Gameboy型的充電器，正合Stanley心意。(圖片：張景淳IG)
滅蟲噴霧彈都有，實在夠晒實用。(圖片：張景淳IG)
Stanley接受《晴報》電話訪問，「我好鍾意Figure，尤其係日本超合金，其實都係一個童年回憶，細個11歲之前都係單親家庭，媽咪又要返工，我自己一個人，陪我最多就係卡通片同埋超合金玩具，有時就畫吓畫咁，生活上都係圍繞住動漫，但係細個不斷拎嚟玩就會玩到爛晒，大個覺得係童年回憶，就會買返嚟好好收藏。我鍾意嘅卡通真係好多，多到數唔晒，《聖鬥士星矢》、《男兒當入樽》、《相聚一刻》、《山T女福星》、《飛翼人》等等，依家最鍾意《殺戮都市》，因為覺得自己同個主角性格好似。」
《龍珠》系列。(圖片：張景淳IG)
提到直播洩露出他有好多個陳列櫃的珍藏，Stanley稱原來不是最高峰期，他說：「我真係有好多珍藏，之前多到成間屋好似貨倉咁，因為好多都冇拆盒，我滿足自己要擁有佢，但唔想拆開佢要保留個完美，不過後來真係太多，我決心賣走7至8成收藏品，成間屋只係留返一個房嘅珍藏，往後再買新貨，就會賣返部分出去，整體個數量維持一間細房入面。」
Q版《男兒當入樽》。(圖片：張景淳IG)
相關新聞：《愛回家》龔燁同水水邊個高？ 張景淳慶幸當年冇離開劇組
{{hket:inline-image name="17819043_1411385518923877_5241715479747231744_n.jpg"}}{{/hket:inline-image}}
大量日本超合金模型和Figure。(圖片：張景淳IG)
{{hket:inline-image name="18723277_446229325734383_6290622789229477888_n.jpg"}}{{/hket:inline-image}}
《聖鬥士星矢》絕對係好多男仔心目中嘅美好回憶。(圖片：張景淳IG)
Stanley感激好多粉絲知道他是動漫迷，經常都送模型Figure給他，他說：「佢哋觀察力真係好勁，之前我講過自己鍾意食可樂糖，佢哋就寄勁多嚟，多到好似成座山咁，我就拎去同朋友同事分享。其實唔想佢哋太破費，好似之前收到啲禮物，我完全忙到冇時間拆，原來入面係有食物，咁放太耐就腐爛，惹咗有啲昆蟲喺屋企，幸好，啱啱琴晚有人送我滅蟲噴霧彈，真係好用得著，佢哋有時會送我按摩器、落妝紙巾等等，非常實用，好多謝佢哋。」
連籃球明星都有。(圖片：張景淳IG)
Stanley入行初期都有玩過Cosplay。(圖片：張景淳IG)