現年61歲嘅尹揚明三十年前入行,現時佢嘅一子一女都已經成家立室,而仍然獨身嘅尹揚明,就享受自己生活,不受拘束,想拍戲才拍戲,非常瀟灑。
(網上圖片)
尹揚明人生經歷過大起大跌,佢曾經沉迷賭博,90年代試過喺賭場輸咗200萬,係佢當時嘅全副身家。「霉」到要向親友借錢還債,曾一度想過自殺,幸臨崖勒馬,決心戒賭。佢形容自己是一個曾歷失敗的最佳人辦:「我經常叫身邊人唔好賭錢,人嘅生命好短暫,要好好珍惜人生,所以我決定重新做人。」
(電影截圖)
2007年尹揚明有感幕前演出減少,所以隨兄長轉行經營骨灰龕生意,漸見成績,尹揚明跟住投資香港和澳門餐廳,由演員轉型成商人。
2014年尹揚明豪花七位數字在深水埗開設日式食店,由零開始籌備咗三個月,話主要揼本喺裝修。店中大小事一腳踢,不過辛苦歸辛苦,佢話能夠有屬於自己嘅地方,閒時與朋友摸酒杯底,又確係賞心樂事。
尹揚明有唔少圈中好友。(東星娛樂)
(尹揚明微博)
尹揚明11歲從澳門人移居香港,因為身形高大,曾在尖沙咀的士高「荷東」當保安,1988年被導演林嶺東相中入電影行,首次演電影《勇闖天下》就擔正。電影代表作,當然唔少得《古惑仔》入面飾演同十三妹(吳君如飾)係歡喜冤家嘅韓賓。
韓賓當年都係小鮮肉!(電影截圖)
尹揚明1991年加入TVB,演出《火玫瑰》、《馬場大亨》都係經典作。尹揚明嘅一頭白髮由40歲開始「萌生」,嗰時佢啱啱同TVB完約,打算多作電影發展,但半白不黑的髮色,令情況有點尷尬,結果他索性收埋自己。
喺TVB都有唔少作品!(電視截圖)
05年去北京搞電影,監製過一部合拍片,之後因為北京天氣太四季分明,又成日塞車,所以一年就返咗香港,然後去廣州搞廣告。期間不時都有朋友打來叫我客串,佢話心入面都開心,因為原來仲需要佢。
尹揚明話劉偉強都有搵佢,但後來唔做,因為成日做串星,佢話一就唔做,一做就希望做啲重要角色。尹揚明堅持唔染髮,所以佢漸漸減少幕前演出,等到成了真真正正的白頭翁先重返幕前。
(尹揚明微博)
(尹揚明微博)
(東星娛樂)
除了演員一職之外同餐廳老闆,佢仲係九龍城體育會的足球總監,係一個情意結,因為佢曾經為咗場波而斷送學業:「小時候連組隊波都難,波衫都是搵件白色就算,現在波衫有號碼有名,幸福好多,以前着校服就落場,結果連書包都畀人偷埋,阿媽索性話唔好讀書。」
接手球隊之後,尹揚明為招攬人才連派街招都試過,但冇大球會、足總嘅配合同支援,升級到乙組後難再進級。「年輕人太多選擇,最常出現的情況是一做了精英就走、又或者跟教練過檔,我都想做得更好,但人力資源始終有限。」依家佢已經將球隊交予教練管理,但時間許可的話,佢都會落場過腳癮。
(尹揚明微博)
(尹揚明微博)
(尹揚明微博)