《她她她的少女時代》嘅曹永廉年輕時因為爸爸的假髮廠同製衣廠生意失敗，搬到木屋區住。中五畢業試過考警察，但年齡太細不獲取錄，後來做過快餐店員工、清潔工人、胸圍推銷員、超市經理、童裝店售貨員。可能入行前多歷練，而且人際溝通技巧高，所以圈內朋友極多。除咗佢有咁豐富的經歷，依家就睇吓其他藝人入行前又有咩工作經驗！
(TVB電視截圖)
林淑敏
林淑敏希望做成功嘅電影製作人，曾應徵電視台同製作公司嘅製作助理、副導演，但因為被人覺得形象太斯文而失敗，結果做咗7個月空姐。另外黃智雯、劉佩玥、陸詩韻、李若彤、朱智賢、羅霖、譚小環、陳倩揚、郭羨妮等都做過空姐。
(TVB電視截圖)
李佳芯
李佳芯係香港城市大學視覺藝術副學士，畢業後擔任模特兒，為旅遊雜誌拍攝多期封面，出遊過南極、台灣等地。
(TVB電視截圖)
王君馨
王君馨爸爸經營壽山石生意，曾住過長島價值逾千萬港元嘅豪宅。畢業後王君馨冇依靠家人，同朋友組成Hip Hop組合「Seven Xpress」做dancer。
(YouTube截圖)
陳茵媺
陳茵媺喺安大略藝術設計學院畢業，曾喺幾間繪圖設計公司同時尚雜誌做過。
(陳茵媺instagram)
陳欣健
陳欣健加入皇家香港警察任職見習督察，用9年時間晉升至警司，又曾擔任任刑事偵緝科、警察訓練學校教官、偵探訓練學校教官同反貪污部。1974年上海街發生旺角寶生銀行挾持人質事件，陳欣健為現場指揮官。佢破獲當年幾宗大案，包括旺角長城公寓謀殺案，先施大廈兇殺案，獲得警務處處長及香港總督嘅嘉許。
(電影截圖)
黎明
黎明入行前做過電話推銷員。
(電影截圖)
王喜
1989年尖沙咀喜利大廈發生企圖殺警案，並發生火警，附近巡邏嘅警察王喜喺冇保護裝備下勇闖火場，摸黑救出警長和另一名女警，曾獲選為香港警務處10大英雄之一。
(TVB電視截圖)
劉德華
劉德華試過喺髮型屋幫人洗頭，仲喺爸爸開嘅小食店中幫手。
(電影截圖)
馬德鐘
馬德鐘成為警員後、先後擔任軍裝巡邏小隊、警察機動部隊、便裝特遣隊，G4保護要人組等崗位。馬德鐘做警察期間同時兼任排球港隊，本來要備戰去亞運，最後選擇退賽，仲轉行做模特兒。
(馬德鐘微博)
蕭正楠
蕭正楠喺香港城市大學電腦系畢業後，成為電腦程式員。
(TVB電視截圖)
姚子羚
姚子羚曾任職兼職啤酒推銷員，仲喺本地乙組籃球聯賽球隊擔任前鋒，有「3分區神射手」之稱。
(姚子羚instagram)
劉青雲
劉青雲曾於香港郵政總局做過郵差。
(電影截圖)
陳展鵬
陳展鵬係前乒乓球港隊成員，因教練離隊放棄打波，結果去做演員。期間試過做地盤，日賺350蚊，後來隻腳因工受傷，休養後再做回演員。
(TVB電視截圖)
馬國明
馬國明畢業於卑詩大學機械工程系，不過回流香港後做過玻璃幕牆公司文員。
(TVB電視截圖)
郭藹明
郭藹明曾就讀美國南加州大學機械工程學，被傳喺美國太空總署做見習工程師，但佢後來澄清喺私人航天業公司實習。
(YouTube截圖)
撰文：張芷晴