鄧麗欣幫王子買靚衫

鄧麗欣（Stephy）日前獲邀出席紐約時裝周，身穿一襲白色套裝，現身3.1 Phillip Lim春夏發布會睇騷，一舉一動凸顯女人味。Stephy身為紐約時裝周「新鮮人」，坦言心情興奮︰「上年參加過米蘭時裝周，紐約時裝周係我嘅第一次，所以好期待場地布置和氛圍，應該同米蘭、巴黎唔一樣。」

交流時裝意見

去年Stephy與男友王子（邱勝翊）以情侶檔姿態現身巴黎時裝周，她笑言平日會與男友一齊行街買衫：「我哋會互相畀意見，有時一個人行街，見到靚嘅衫都會買畀對方。」Stephy又笑說年輕時在衣着方面曾交了不少「學費」：「試過上台表演前，先發現唔記得帶高跟鞋，結果上半身係飄逸one piece裙，下半身係當時流行嘅板仔波鞋，哈哈！」