盧海鵬爆賈思樂 下月兩蚊搭車

賈思樂（Louie）將於11月假文化中心舉行演唱會，昨日邀請了戚美珍（三嫂）及向海嵐等個唱嘉賓出席記招，經典趣劇《蝦仔爹哋》成員盧海鵬、羅蘭及林建明亦有撑場，眾人並推着蛋糕出場，預祝Louie於下月1日65歲生日。鵬哥笑謂︰「蝦家好健在，個個都好健康，估唔到佢（Louie）就嚟畀兩蚊車費先開騷。」Louie被大家的誠意感動到眼濕濕，他透露上次合作已是七年前的《蝦仔爹哋》舞台劇。

賈思樂又特別感激三嫂的多年支持，他表示︰「每次有難題，佢都喺我身邊支持，仲要唔係我老婆，都好支持同關心我。」三嫂指Louie安排她在演唱會上擔任「換衫歌手」，笑言︰「我話唱一首歌，佢話唔得，唔夠時間畀佢換衫，要我唱多幾首。」此外，苗僑偉與戚美珍日前到日本參加曾國祥與王敏奕的婚禮，三嫂續稱︰「好開心，場面好靚好溫馨。（志偉有無喊？）我當時坐佢後面，睇唔到，但我覺得佢肯定有偷偷咁喊。」