自4月爆出「安心事件」，許志安與黃心穎即時停工，嚴重影響無綫劇集，尤其係台慶前嘅排陣。黃心穎事前拍落嘅《堅離地愛堅離地》、《丫鬟大聯盟》和《牛下女高音》3套劇直入雪櫃，《法證先鋒IV》亦要重拍，要等到2020年先可以出街。
《法證先鋒IV》幸免於難，不過為咗賣埠，所有黃心穎嘅戲份都要剪走重拍。（黃心穎IG）
《丫鬟大聯盟》就直入雪櫃。（黃心穎IG）
無綫放生黃心穎？
不過世事如棋，據了解，無綫高層近日決定「開綠燈」解凍《牛下女高音》，為配合劇集播出，內部仲已積極籌備相關宣傳工作，包括演員訪問。而《牛下女高音》監製黃偉聲就表示搵唔到演員之一黃心穎：「公司冇講過啲乜，冇話唔畀佢宣傳。」黃偉聲指自己曾經Whatsapp心穎通知佢《牛下》出街，不過心穎並冇回覆。
（黃心穎IG）
（黃心穎IG）
不過黃偉聲就話呢套劇嘅Focus唔喺心穎度：「主要嘅戲都唔係喺佢嗰度，係喺鍾景輝、蔣志光唱家班嗰度。」佢表示上周五才接獲通知《牛下》將於10月7日首播：「啱啱先完成宣傳短片、開完會，淨番幾個禮拜，都比較急。」
（吳岱融微博）
監製黃偉聲表示，套劇最主要係講鍾景輝搵返7個40幾年冇見嘅徒弟，重溫以前唱歌嘅快樂時光，然後佢哋一齊去搵好好聽嘅女高音，仲話「主角」女高音可以係車婉婉、羅冠蘭都得。監製確認完全冇刪減心穎戲份，將會播出足本版30集。
（吳岱融微博）
早前有份演出的「鷲哥」吳岱融曾承認為《牛下》被雪感失落，話佢哋每一位演員都好期待套劇拍完可以出街，今次「意外」獲解凍，真係可喜可賀！
相關新聞：【牛下禁播】安心偷食中佬當災！吳岱融望觀眾支持「心血」重見天日
（吳岱融微博）
撰文：黃蘊姿