江嘉敏跟電競公司高層男友Anthony拍拖一年多，感情穩定，不過仍然不斷出現花邊新聞，先是跟同劇拍檔王浩信傳緋聞，近日再有爆料人X先生將江嘉敏的對話截圖和錄音，指控她向對方示好，背住男友約對方去日本旅行，又想借50萬開琴行圓夢。傳聞曝光後，江嘉敏率先在社交平台發炮，開全名狂轟爆料人X先生：「你點搞我同我男朋友呢，都唔會有任何影響嘅。不過呢，你係都要冇嘢搵嘢玩，搞吓我屋企，又搞吓我工作呢，我就真係會嬲喇！我同男朋友都預咗呢一日，你會cap頭cap尾，又話我溝你又話我呃你錢！夠膽就唔好cap頭尾，畀全部嘢人哋睇嘛！仲要夠膽做，唔夠膽面對！嗱嗱聲block晒我同男朋友！其實都知你咩事架喇！X咩先生丫扮神秘？王仁灝先生！成日都話想出名，好啦，如你所願喇！」
江嘉敏昨晚出席《香港唱好演唱會》，心情大靚。(《晴報》圖片)
江嘉敏因跟王浩信合作拍劇而傳出緋聞。(圖片：江嘉敏IG)
報道有傳二人撻著，令王浩信同老婆陳自瑤出現婚姻危機。(圖片：江嘉敏IG)
江嘉敏開名鬧爆對方。(圖片：江嘉敏IG截圖)
隨後，江嘉敏將與X先生的完整對話截圖放上網，一五一十將事件公開，駁斥對方的指控。不過事隔一小時，她又發長文道歉，她說：「對不起，我承認今早的發文是有點激動，公司亦同我反映咗。皆因我不是第一次被人騷擾，所以我真的耐不住心中怒火，就不加思考就發火了。」
她公開完整版的對話截圖。(圖片：江嘉敏IG截圖)
不過對話的時間點有點亂。(圖片：江嘉敏IG截圖)
後來她直認衝動，被公司照肺。(圖片：江嘉敏IG截圖)
江嘉敏昨晚出席《香港唱好演唱會》全程笑容滿臉，似乎未有受事件影響心情，她接受傳媒訪問時表示：「今朝好衝動回應咗件事，返嚟就被樂小姐照肺。」她不再願意詳細講解事件來龍去脈，只稱男友知道整件事，亦好諒解她，感情沒有問題，她更揚言X先生是男友的朋友，但自己跟對方其實不熟，她說：「我同男友都唔熟佢，初時託佢買衫、買鞋先聯絡，真係唔清楚佢動機係咩，自己容易相信人，以後真係要帶眼識人，上咗最寶貴一課。」
事件對她完全沒有影響，繼續開心錄影。(《晴報》圖片)
撰文：楊安莉