蕭正楠為無綫的《香港唱好演唱會》錄影，見他身形清減很多，原來阿蕭為拍攝《愛美麗狂想曲》而激瘦20磅，他起初稱太太黃翠如不在香港，所以茶飯不思而消瘦，後來才解釋是為劇集：「依家60幾公斤，足足瘦了20幾磅，因為劇入面我係有少少娘娘腔，著好多好緊身造型，日日都窄腳褲，但我本身個屁股大，好多褲都著唔落，所以就把心一橫去減肥。點減呢？我每晚都唔食飯，日頭就食得清淡啲，夜晚真係幾肚餓，好辛苦，不過有時會放縱同朋友食吓飯，但食完發現著返同一條褲，又好似想裂開咁，所以唔敢亂食。」
他透露今次花四至五個星期慢減到去20幾磅，清減後收到不少人的讚賞，他說：「我會盡量保持住，因為好多人話我瘦咗之後，睇落後生咗。如果大家想減肥，我建議大家買一條易爛嘅褲，細一個碼，咁你就有動力去減。」
相關新聞：【十二傳說】蕭正楠父患癌亡 獨力供妹讀大學 曾監獄旁長大 背景估你唔到
蕭正楠為新劇清減不少。(《晴報》圖片)
他直言減肥後，不少人讚他年輕很多。(《晴報》圖片)
他在今晚音樂會上獻唱。(圖片：東星娛樂)
今晚節目中，阿蕭將會獨自獻唱《紅日》一曲，其實身為歌手出身的阿蕭唱歌可謂完全沒有難度，不過近年他都主力拍劇發展，頂多都只是唱唱劇集主題曲，跟樂壇的距離又愈走愈遠。不過，阿蕭近日獲邀同好兄弟曹永廉一齊開演唱會，沒有錯，是演唱會，平日他們登台的機會都多，但一齊開長達兩小時的演唱會，絕對是第一次。阿蕭表示：「好開心，個騷反應好好，而我哋都表現得好好，因為兩兄弟一齊應付兩小時嘅騷，個使命感好強，希望唱好歌帶動氣氛。做完之後，令我哋有信心之後可以繼續去其他地方演出。」阿蕭直言今次場地只容納到1,500人，兩人有打算在香港較大的場地開正式的演唱會圓夢，他說：「兩兄弟拍住上，佢一個人唱，我怕佢唔夠氣，我要撐吓佢。其實我哋觀眾群年齡層好闊，佢唱一堆歌都好啱哥哥姐姐Auntie聽，畀佢哋有種回憶，佢唱嘅歌我都未聽過。我唱後生少少嘅歌，貼地啲。」
阿蕭和阿廉早前以「老廉蕭Show」組合舉辦演唱會，但只是限會員參與。(圖片：曹永廉IG）
「老廉蕭Show」將會繼續舉辦巡迴演唱會。(圖片：蕭正楠IG)
阿蕭表示正考慮明年會製作屬於兩兄弟的歌曲，相信阿廉很長時間沒有入錄音室錄歌，他感慨說：「我同佢成日都講話我哋條命真係搞笑，做歌手冇機會開演唱會，反而走去拍劇、拍節目，又會有個舞台畀我哋去做演唱會。」他表示「老廉蕭Show」這個演唱會絕對會延續落去，希望不同地方的粉絲都睇到他們的演出。翻查資料，蕭正楠2001年先後參加大型歌唱比賽得獎，獲李進賞識簽約成為歌手，先後推出四張專輯和EP，轉做演員後唱過的劇集主題曲或插曲都超過20首。而曹永廉是1994年以歌手身份入行，更勇奪無綫電視《1994年度十大勁歌金曲頒獎典禮》的「最受歡迎新人獎（男歌星）銅獎」，推出過五張專輯和EP。
相關新聞：【她她她的少女時代】曹永廉接岳父姜大衞棒出軌 《再見亦是老婆》成婚外情經典作
蕭正楠跟初出道的樣子沒太大變化。（圖片：《無綫大寶藏》截圖)
年輕時的曹永廉帶半點青澀。（圖片：《無綫大寶藏》截圖)
阿蕭和阿廉老友鬼鬼。（圖片：蕭正楠 IG）
難怪太太黃翠如經常笑阿廉是她跟阿蕭之間的第三者。（圖片：蕭正楠 IG）
撰文：楊安莉