古天樂同宣萱呢對老拍檔繼電視劇《寵物情緣》、《刑事偵緝檔案IV》、《尋秦記》後，相隔17年於《犯罪現場》再度合作。
《尋秦記》電視截圖
《寵物情緣》電視截圖
二人於鏡頭前後都默契十足，不過古仔就肉緊得濟唔小心整傷宣萱頸部，幸好宣萱並無大礙，同古仔老友鬼鬼嘅佢仲講笑：「我唔會怪佢，Ok嘅！佢會萬歲㗎喇。」古仔話導演建議佢哋一次過拍完呢場戲， 專業嘅宣萱就算Chok到條頸都冇嗌Cut，堅持忍住做落去，幸好出到嚟嘅效果都好有驚喜！
官方圖片
宣萱受傷後要喺頸上敷冰毛巾，佢話自己拍之前驚左好耐，因為佢太了解古天樂，好驚同佢拍打戲。宣萱為求效果完美拒用替身，當拍攝途中聽到條頸「啪」一聲已心感不妙，但依然堅持做下去，話做埋場戲，都叫做犧牲得值。二人再度埋位拍攝時，古仔細心地為宣萱調整毛巾位置，令佢瞓得舒服啲，呢對老拍檔嘅互動十足真情侶，難怪之前會傳佢哋真係喺現實中一齊咗啦！
《寵物情緣》電視截圖
除咗古天樂同宣萱，圈中仲有好多對熒幕情侶襯到大家都以為佢哋真係一對，好多時仲因為戲中嘅互動太Sweet而傳出佢哋戲假情真！有啲嘅合作次數仲多達5次，日對夜對，真係日久生情都唔出奇！唔知以下呢幾Pair熒幕情侶大家又覺得邊對最襯呢？
1.陶大宇與郭可盈
陶大宇與郭可盈當年拍足3輯達100集嘅《刑事偵緝檔案》，早年仲再續前緣拍多套《青出於藍》，連場濕吻，二人多年後更不避嫌直認曾過電。有人想搵郭可盈同大宇再合作，但林文龍以照顧家庭為由，禁老婆出山拍劇，郭可盈無機同陶大宇合體。
《刑事偵輯檔案》電視截圖
{{hket:inline-image name="f2522c6a1e83582d2e9bf3ee19db8d86.jpg"}}{{/hket:inline-image}}
《心花放》電視截圖
{{hket:inline-image name="32400024np4p93s2006.jpg"}}{{/hket:inline-image}}
《青出於藍》電視截圖
2.歐陽震華與關詠荷
歐陽震華同關詠荷嘅互動經常擦出有趣火花，佢哋嘅角色都非常入屋。歐陽震華曾指同其他拍檔拍攝時會覺得自己「爭咁啲」，唔夠火花同生活化，但同關詠荷就剛好對上，形容大家有「化學作用」，唔使磨合，只要埋位就得，觀眾亦唔使適應期，就覺得佢哋合襯。
《醉打金枝》電視截圖
《陀槍師姐》TVB圖片
《陀槍師姐II》TVB圖片
{{hket:inline-image name="AapZ4XaWGXxgXEgl-yB2cPYFaJvLOruoJbJqMSWyajE.jpg"}}{{/hket:inline-image}}
《情逆三世緣》電視截圖
《美味天王》電視截圖
3.林峯與鍾嘉欣
雖然佢哋只合作拍過《溏心風暴》系列，但第一輯林峯飾演嘅「程亮」因為意外死咗，令到佢唔可以同鍾嘉欣飾演嘅「常在心」開花結果，當年林峯獨白「沒有常在心的日子」睇到觀眾好揪心，在觀眾大力要求下，二人終於喺續集有個Happy ending。
《溏心風暴1》電視截圖
{{hket:inline-image name="photo_163.jpg"}}{{/hket:inline-image}}
《溏心風暴2》電視截圖
4.張智霖與佘詩曼
當年合作拍《十月初五的月光》令到每人都想擁有一個初哥哥，二人戲裡戲外嘅互動都勁Sweet，繼而傳出戲假情真嘅緋聞，有傳張智霖老婆靚靚更去到監場睇實老公！
{{hket:inline-image name="55.jpg"}}{{/hket:inline-image}}
《月滿抱西環》電影截圖
{{hket:inline-image name="p2096803279.jpg"}}{{/hket:inline-image}}
《跑馬地的月光》電影海報
{{hket:inline-image name="01300542899589142068526209527.jpg"}}{{/hket:inline-image}}
《十月初五的月光》電視截圖
{{hket:inline-image name="jean-20050825192152.jpg"}}{{/hket:inline-image}}
《西關大少》電視截圖
5.羅嘉良與陳慧珊
羅嘉良同陳慧珊在《創世紀》未能開花結果，《先生貴性》彌補咗呢個遺憾，二人仲憑《先生貴性》撼低「古天樂、宣萱」同「歐陽震華、關詠荷」，奪得《萬千星輝賀台慶1999》最佳拍檔獎。
《先生貴性》電視截圖
《創世紀》電視截圖
撰文：黃蘊姿