【聲明】港生活網站並無進行電話推廣活動

【一切由失業開始】 娛樂攝影師轉型寵物美容 基叔叔:我在寵物身上學做人

發佈時間: 2019/09/17

基叔叔1998年開始加入娛樂版擔任攝影記者,當年娛樂行業發展蓬勃,跳槽幾次後薪金倍增,生活多姿多采,以為可以做到終老,基叔叔說:「我由港聞轉去娛樂,係完全另一個全新環境。我對新聞係有份情意結,覺得有份正義感同埋可以揭露社會黑暗面。後來轉做娛樂版,好好玩,多姿多采,有時電視城遇到藝人,大家會認得你,讚你啲相影得好,我開心到好似孔雀開屏咁。」

{{hket:youtube id="l62E0Der63I"}}{{/hket:youtube}}

小小一句讚美說話,對攝影師而言是莫大的認同,慢慢在行內建立與藝人互信的關係,他說:「我影好多靚仔靚女,不過論到『最好影』,黃德斌真係冇得頂,佢完全冇準備,但要佢落水濕晒身都冇問題。女藝人方面,最開心係影陳自瑤,影佢影到我有初戀感覺。」

當然,基叔叔亦遇到不快的事。曾經一位男藝人一到場就揚言趕時間,要求攝影師盡快完成拍攝工作,但基叔叔拍完第一輯準備轉場景時,該藝人只顧同助手及記者閒聊,令他覺得對方的無禮令他感到不被尊重。

相關新聞:黃德斌專一愛足14年 曾患抑鬱 低潮感恩老婆不離棄

{{hket:inline-image name="d41608ee-4653-4411-926c-23b2c91b5522.jpg"}}{{/hket:inline-image}}

(《晴報》圖片)

{{hket:inline-image name="f7d3ba11-fc69-44e1-9a2b-b0839e165b54.jpg"}}{{/hket:inline-image}}

基叔叔擺甫士,似乎比萬綺雯還要厲害。(圖片:受訪者提供)

{{hket:inline-image name="c4ce9768-365e-4085-b8f2-6010251b8ed3.jpg"}}{{/hket:inline-image}}

當年基叔叔竟然同唐文龍鬥大隻?(圖片:受訪者提供)

{{hket:inline-image name="fcdb547d-6b52-4b78-be3f-f2d02c50e57b.jpg"}}{{/hket:inline-image}}

做娛樂攝影絕不容易,日曬雨淋馬路邊都照坐。(圖片:受訪者提供)

{{hket:inline-image name="b01a5627-a7fd-4a8f-8dee-c0d4325cbc8b.jpg"}}{{/hket:inline-image}}

為影好一張靚相,攝影師無所不用其極。(圖片:受訪者提供)

{{hket:inline-image name="d2fd037c-5ed3-43da-8c81-90dee888d71a.jpg"}}{{/hket:inline-image}}

基叔叔笑言跟藝人做朋友,平日工作都愉快得多。(圖片:受訪者提供)

攝影技術漸趨數碼化,基叔叔由菲林相機轉為數碼相機年代,先要學習電腦和執相軟件。直至如今的新聞環境,影像比硬照更加重要,很多傳媒對照片已經不再重質,基叔叔說:「依家冇技能可言,求奇影完有個人就再加後期,所以學過嘅都係徒然。後來公司銷量問題,終於捱唔住要關門大吉,當時我好徬徨,因為認可嘅技能真係冇乜,得個車牌同埋識影相,好擔心自己冇咩可以做到。」

失業對很多人而言是人生的谷底,特別是基叔叔前路未明,但他沒有方寸大亂,沒有怨天尤人,反而靜靜地思考自己的方向,他說:「唔緊要,早死早超生,又可以有個新開始。我好鍾意攝影,亦好鍾意動物,特別係狗,一諗到同狗有關嘅行業,所以決定去學寵物美容。」他直言由學習上堂到考牌過程,並不是一帆風順,他說:「上堂嘅時候都有心理障礙,因為全班都係廿幾歲小妹妹,我就變成一堆妹妹中嘅一位叔叔,當時個心當然會唔舒服。我屋企3隻狗仔細個時候都係我自己幫佢哋剪毛,雖然剪到鬼五馬六咁,但叫做有經驗,變相學習時會比較易上手。」

人到中年,由零學起,除了在課堂上練習剪狗毛,晚上還要學習理論課,每日返10幾個鐘學,比以前返工還要吃力和辛苦,他說:「重點係自己未係好熟手,對小生命特別小心,所以好專注去做,個人就會好攰。」

相關新聞:係愛呀!貓奴借十幾萬救毛孩 夥拍江若琳開貓酒店

{{hket:inline-image name="f1ba53ac-ef96-45ea-bfc6-01f5a656b7cc.jpg"}}{{/hket:inline-image}}

基叔叔其中一隻愛犬火腿出浴。(《晴報》圖片)

{{hket:inline-image name="61f6b19e-5a85-4769-a3bd-8c95bfcd5283.jpg"}}{{/hket:inline-image}}

濕晒身個樣好搞笑。(《晴報》圖片)

{{hket:inline-image name="18c8ac35-4e20-4bbe-bb62-f2989def4381.jpg"}}{{/hket:inline-image}}

基叔叔對每隻狗仔都花心機剪靚靚。(《晴報》圖片)

{{hket:inline-image name="b040e7dc-2095-46de-968b-a3097140ac6a.jpg"}}{{/hket:inline-image}}

火腿:「我咁靚仔,再修靚仔啲,唔該!」(《晴報》圖片)

{{hket:inline-image name="79ac3cce-3327-4e7d-978c-88495aaa7a97.jpg"}}{{/hket:inline-image}}

基叔叔笑稱不是每隻狗都乖乖聽話,有時候被咬傷或者抓傷都在所難免。(《晴報》圖片)

由攝影師轉型成為寵物美容師,由面對人轉為面對貓貓狗狗,基叔叔認為學習良多,他說:「有時候同小動物相處,學到待人處事小技巧。人唔可以永遠高高在上,要聽吓小動物需要咩,感受一吓,佢哋唔係食兩餐就算,佢哋都要玩,要有自己生活同自由。做寵物美容,偶然被動物咬傷、被抓傷是在所難免,佢咬你其實係教緊你下次點樣避免再受傷,呢一行其實係要以謙卑嘅心去學習,動物係教緊你做人。」基叔叔人緣極佳,不少藝入得悉他轉行後,都有帶自己的寶貝寵物來美容,當中包括陸詩韻、DJ當奴、莊端兒、江若琳等。

{{hket:inline-image name="75f5d653-e7b9-4272-9d55-896de4b615e2.jpg"}}{{/hket:inline-image}}

貓貓都愛沖涼。(圖片:狗奴才寵物美容Facebook)

{{hket:inline-image name="554a9dc0-a3f7-464c-8058-43963656f633.jpg"}}{{/hket:inline-image}}

陸詩韻同佢寶貝狗仔都是基叔叔的客人。(圖片:狗奴才寵物美容Facebook)

{{hket:inline-image name="3974ed9f-8033-41da-9636-8b81c01590ae.jpg"}}{{/hket:inline-image}}

DJ當奴隻貓貓剪完好英偉。(圖片:狗奴才寵物美容Facebook)

{{hket:inline-image name="3e8dbed2-6b9e-49fb-8a8d-7aee5d0c732b.jpg"}}{{/hket:inline-image}}

莊端兒貓貓會唔會想剪走自己個雙下巴?(圖片:狗奴才寵物美容Facebook)

{{hket:inline-image name="abd62040-1cfe-40fb-a70f-1b2b33fac62b.jpg"}}{{/hket:inline-image}}

江若琳同老公蕭潤邦隻「糯米糍」好冧豬。(圖片:狗奴才寵物美容Facebook)

經常有人話上帝關了一道門,總會為你開另一扇窗,馬死落地行,何況落地走走,更加能體會到貼地的可貴。能夠在第二最愛的興趣上發展,成為基叔叔的人生轉捩點,路是人行出來,怎麼會有盡頭?他說:「依家香港環境千變萬化,今日就算有高薪厚職,聽日可能面對巨大轉變,要居安思危,安定嘅時候多花時間學新嘢,學插花、學繡花都好,有興趣就去學。我部分同事都轉行,有做的士司機嘅仲開咗粉絲專頁講的士奇遇,不知幾受歡迎。」

{{hket:inline-image name="8e4ebd21-beda-4b09-8636-fa9400248989.jpg"}}{{/hket:inline-image}}

基叔叔個性開朗樂觀,面對逆境自然能夠迎難而上。(《晴報》圖片)

{{hket:inline-image name="302207b6-db0a-47df-adb9-58e2fe6224d0.jpg"}}{{/hket:inline-image}}

愛狗之人,能夠為貓狗服務,絕對是基叔叔的第二人生。(《晴報》圖片)

場地:狗奴才寵物美容 

撰文:楊安莉

【晴報睇住賞 送108份Durex杜蕾斯001及003衛生套(2片裝)】

↓聖誕禮物,該送甚麼才是?杜蕾斯有一套小小薄禮,不成敬意!↓

卡樂B激量裝薯片!蜜糖烤雞翼味 / 茄汁味!

↓【晴報睇住賞 送31份雀巢Ⓡ全營授乳套裝】↓

↓想寶寶健康贏在起跑線?媽媽營養吸收要全面!↓

卡樂B激量裝薯片!蜜糖烤雞翼味 / 茄汁味!