【聲明】港生活網站並無進行電話推廣活動

王祖藍想組足球隊 李亞男揚言生夠6個

發佈時間: 2019/09/18

李亞男昨日出席護膚品牌活動,提到她的女兒Gabrielle現已九個月大,亞男透露老公王祖藍希望再生B,更想湊夠雙數,所以她揚言想生夠六或八個小朋友。

李亞男昨日與郭秀雲、貝安琪及Rosemary等,到銅鑼灣出席醫學美容旗艦店開幕活動。提到湊女生活,李亞男笑言夫妻間依然不時要表達愛意,例如老公會送小禮物給她︰「就算多咗個女,都唔可以忽略大家,老公都非常重要。」問她可有甚麼表示?她冧爆指祖藍每天工作很疲累,所以自己負責做老公的「人肉鬧鐘」︰「每日用盡方法叫醒佢。(錫到醒?)仲有好多方法,搵囡囡叫佢,佢會立即醒。」

亞男指女兒現時重23磅,屬於大碼BB︰「因為公公婆婆好錫佢,畀好多鍾意嘅嘢佢食,令佢肥肥白白。其實囡囡出世前,大家曾經約法三章唔可以縱容,結果佢一出世就萬千寵愛。」何時再追多個BB?她揚言起碼生多五個B︰「希望呢幾年生,生仔生女都無所謂。祖藍想湊夠雙數,最好生夠一隊足球隊。」

郭秀雲潛水險中暑

同場的郭秀雲透露早前出海潛水時險些中暑,幸好最後無大礙。她說︰「當時我着潛水衣,裏面仲有件絲襪質地貼身衫打底,可能個人包到實,加上嗰日好熱,突然覺得心口出冷汗,feel到自己可能中暑,即刻落水降溫,上水後個頭好痛,立即狂飲水。」

採訪︰Pauline

編輯︰李潔盈

美術︰梁政敏

郭秀雲自言甚少護膚,幸好肌膚滑淨。