姜皓文泳衣Look歎茶記

姜皓文（黑仔）今年獲邀請擔任「新世界維港泳大使」，日前他一身貼身泳裝，在鰂魚涌一間茶餐廳拍攝宣傳廣告。戴上泳鏡的他品嘗蛋撻與「茶走」，又以一身水着造型行街，無懼街上途人的異樣目光。他搞笑說︰「邊個話着泳衣唔可以幫襯茶餐廳？平時我鍾意去啲有歷史嘅茶餐廳，通常會嗌常餐，因為我鍾意食奄列同米粉。」

沿途黑仔獲不少街坊邀請合照，他說︰「我通常去大埔或鹿頸嗰邊做運動，見到我歡迎大家同我合照，只要你唔介意我有陣汗味。」向來熱愛運動的他，一直希望參與跟運動和慈善有關的活動：「希望用我少少嘅影響力，用正能量感染大家。」