父母首期助上車 森美等供斷樓送畀子女

森美、柳俊江、林芊妤（Coffee）及BabyJohn（蔡瀚億），昨日到尖沙咀出席網上格價平台活動，森美自認是個精明消費者，以前買東西喜歡先行格價，但笑言現在找到贊助商更好。

森美拍過不少廣告，亦不乏配音等工作，問他是否給老婆更多家用？森美即說︰「老婆畀家用我先啱，成家人好似分飯票咁，連網上買嘢都要問准老婆，仲要問兩次。老婆就會問我係咪真係需要買？每次一問就買唔成。我依家索性叫助手去買，唔畀老婆知。」

提到置業問題，森美坦言現時是供樓階段，會儲錢留給一對子女，暫時不考慮買樓。森美說當年買樓獲父母提供首期，只要等供完層樓就會留給仔女。他說︰「我就完成今生嘅目標，細個住板間房，之後住公屋，依家住私人樓，已經好幸福快樂。」

Coffee心痛囝囝出疹

林芊妤透露11個月大的兒子日前發高燒，近日又出玫瑰疹，足足瘦了五磅，十分心痛。她表示：「好彩我仲餵緊人奶，因為佢無胃口食嘢，所以我日日畀佢『chur』到好似乾屍咁，不過人奶始終可以加強免疫力。」問她何時計劃工作？Coffee說︰「可能近排香港氣氛唔好，我都接少咗工作，但OK啦，多咗時間喺屋企，可以對住個仔。」

撰文︰Pauline

攝影︰林良明

編輯：陳禮恒

美術：梁政敏