以奇幻懸疑為題材嘅新劇《金宵大廈》,喺星期一(16日)嘅黃金時段首播,播出2集已經好評如潮,網民大讚劇情緊湊又刺激。除咗主角陳山聰同李施嬅之外,一眾配角都非常搶戲,觀眾更大讚《金宵大廈》用燈光同剪接營造氣氛講故事,而唔係不斷用對白交待,絕對係用心之作!
(官方海報)
第1集鄭恕峰一出場就一腳踩死幼鼠,雖然佢表面上嘅角色係遊客,但一見到佢出現已經知道唔係咁簡單,原來佢嚟香港嘅原因唔係旅遊,而係食「大茶飯」。尋日一集講到3個劫匪打劫錶鋪,方紹聰因為殺咗part-time girl friend「小魚」而心神恍惚,劫匪頭目鄭恕峰因為咁而喪摑方紹聰,最後3個劫匪都因為呢幢大廈太邪門而出事。
(《金宵大廈》截圖)
呢個表情可以成為新一代潛力圖。(《金宵大廈》截圖)
(《金宵大廈》截圖)
鄭恕峰2015年加入無綫,1970年代出道嘅佢,喺70年代中期加入當時仲係叫「麗的」嘅亞洲電視,曾為亞洲電視藝員兼節目主持人,為亞洲電視效力30餘年。除咗電視之外,佢仲曾經喺1982年參與拍攝國際大片《復仇行動》,佢喺戲中都係飾演壞人,仲同《猛龍過江》中嘅空手道高手「羅禮士」有連場對手戲!
(《復仇行動》截圖)
鄭恕峰(左)同羅禮士對打。(《復仇行動》截圖)
羅禮士喺《猛龍過江》中同李小龍對打。(《猛龍過江》截圖)
不過最後隨住亞洲電視執笠,鄭恕峰於2012年加入香港電視網絡,但在2010至2012年期間,他都有以特約演員的身份參與無綫劇集,2015年正式加入無綫之後就更多產。可能係因為佢霸氣嘅外貌,鄭恕峰嘅角色都係以演惡人為主,如黑社會老大、大賊等,所以好多時一見到佢就覺得佢係壞人。
(鄭恕峰微博)
佢仲曾經喺綜藝節目《Sunday好戲王》得到「黑幫王」同「另類好戲王」獎項。
(鄭恕峰微博)
撰文:黃蘊姿