【聲明】港生活網站並無進行電話推廣活動

可持續發展做得好 新世界獲頒最高5星級

發佈時間: 2019/09/19

一間好嘅企業,除咗要識賺錢,有可持續發展嘅心都同樣重要。黛安知道,新世界發展有限公司最近獲全球房地產可持續標準(GRESB)頒發可持續發展標準最高嘅5星級別,並獲選為具多元化業務嘅東亞上市企業首位,同時喺全球230間獲評級嘅多元化業務上市企業中奪得第7名,真係可喜可賀!

黛安知道,GRESB係一個以投資者為本嘅國際評選組織,每年評估全球地產界喺可持續發展上嘅表現,檢視界別就實現全球可持續發展目標嘅進展。現時全球有超過100家機構投資者,包括多間基金公司、保險機構等,都會參考呢個指標嚟管理投資同制定決策。

新世界繼舊年以81分成績,獲評4星級別,喺8間東亞區具多元化業務嘅上市企業中排第3名後;今年再奪得90分佳績,連躍兩級,於12間分別來自香港同日本、具多元化業務嘅東亞上市企業中脫穎而出,獲評選為界別冠軍;另外,仲首度獲納入道瓊斯可持續發展亞太指數,地位備受肯定。新世界發展執行副主席兼總經理鄭志剛話,可持續發展係全球大趨勢,對現代生活文化極為重要,仲承諾未來會繼續努力啊!

撰文: 黛安 消息特靈八卦公關
欄名: 八卦名利場