一丹獎出爐 英劍橋學者奪教研獎

教育對小朋友嚟講好重要，所以有心嘅教育工作者都應該被嘉許！黛安聽公關姊妹講，世界最具規模嘅教育獎「一丹獎」結果出爐，並由英國劍橋大學認知發展神經科學教授烏莎．戈斯瓦米（Usha GOSWAMI）奪得一丹教育研究獎。佢一直透過認知科學研究，制定唔同教學策略、技術同工具，協助有讀寫障礙及學習差異兒童學習語言，絕對係實至名歸。

今次一丹教育發展獎則由孟加拉「跨社區資源建設組織」BRAC創辦人兼榮譽主席法茲勒．哈桑．阿貝德爵士（Sir Fazle Hasan ABED KCMG）奪得。黛安知道佢係透過遊戲實驗室，令貧苦兒童獲得高質量和低成本嘅早期教育機會，致力為早期教育出一分力，難怪可以喺全球129個國家或地區脫穎而出啦！