意籍型男送吻 唐詩詠嚇到掉頭走

唐詩詠昨日出席家用美容機宣傳活動，提到早前和黃翠如在紐約工作兼觀光，遭一名意籍靚仔獻吻，詩詠不但沒有結識對方，反而轉身拔足逃跑。

詩詠自言習慣每天敷面膜，但甚少幫男士敷，她說︰「當另一半見到妳貪靚，自然就會敷。」問現在可有敷面膜的對象？她直言沒有，現在的敷面對象只有黃翠如。早前她和翠如同赴紐約工作，之後懇求對方留下一起遊玩，詩詠笑言翠如有家室，事前要問過對方老公蕭正楠︰「好彩佢知我悶，答應放行一日，好過無，都係行街食嘢。」

否認緋聞享受單身

問到旅途上可有艷遇？詩詠直言沒有，但在當地坐出租單車時，負責踩單車的外國人，趁她落車時禮貌地在其粉臉送上Goodbye Kiss，令她大感驚訝，記者笑問對方靚仔嗎？詩詠笑言︰「都OK，大約30歲，係意大利人。（有無交換電話？）畀佢錫完就走咗啦，有點嚇到，我明白佢哋可能熱情啲嘅。」對於有傳她和「教育界王力宏」陳思銘拍拖，她斬釘截鐵表示無，又指現時很享受一個人。

談到舊愛洪永城在她與翠如上載的相片留言，取笑她們把紐約影到似日本，詩詠笑言︰「有無搞錯？我們花咗好多心機去影，下次見到要鬧佢，佢都將日本影到香港咁啦！」

採訪︰Pauline

編輯︰黃卉彤

美術︰顏玉玲