【聲明】港生活網站並無進行電話推廣活動

花姐做女友? MIRROR睇好姜濤最快娶老婆

發佈時間: 2019/09/20

人氣組合MIRROR前晚到旺角出席電競慈善活動,12位成員提到誰人最快結婚時,年僅20歲的姜濤雖然仍單身,但一眾兄弟推舉他最有錢,睇好他最快結婚,更揚言要介紹經理人花姐(黃慧君)給他做女友,場面搞笑。

MIRROR前晚提到打機習慣時,成員呂爵安(Edan)被推舉為「打機王」,他笑說:「讀書嗰陣試過連續打機20個鐘,但依家少咗打機,要專心工作。」問他們可有試過掛住打機被女友投訴?隊長楊樂文(Lokman)笑說:「唔一定打機先投訴,我聽過去完廁所唔揭廁所板都鬧,不過我自己無試過,只係試過女朋友嫌我塊面太細,顯得佢肥。」

Lokman儲錢結婚

提到陳卓賢(Ian)日前為《全民造星》參賽者嚴祺結婚做兄弟,Ian笑說:「做兄弟無着數,一樣要畀人情。」問大家看好哪位成員最快結婚?Ian認為Lokman及另一成員陳瑞輝(Frankie)最快跑出,皆因Frankie已跟女友拍拖11年。Frankie說:「一定有結婚打算,但要工作為先,打穩根基。」Lokman亦表示要先儲夠錢才考慮結婚。

至於江熚生(Anson Kong)則睇好姜濤最快娶老婆:「因為姜濤最有錢,到時結婚唔好收MIRROR人情!」問MIRROR可有女生介紹給姜濤?他們即表示要推舉花姐做姜濤女友,姜濤即苦笑答︰「啱呀!」

採訪︰Pauline

攝影︰林良明

編輯:李潔盈

美術:梁政敏

早已公開戀情的Lokman(前左),希望事業有成後計劃人生大事。