TVB深夜重播《烈火雄心3》，劇中鄭嘉穎同李亞男有感情線，日前還激咀1分鐘。原來王祖藍都有目睹老婆同第2個男人親熱的畫面，仲即時拍片記錄，片中他一邊睇電視，一邊擺出嬲樣自言自語：「你結咗婚囉喎」、「點可以咁做」，還揚言要打電話給鄭嘉穎老婆陳凱琳。不少網民留言讚王祖藍是好男人，笑說李亞男要「乖點」。其實王祖藍為追求李亞男真的花了很多功夫，因二人由拍拖開始已不被看好，外父外母甚至拒嫁女，不過他依然堅持要與亞男組織家庭，最終童話成真。
(王祖藍微博)
長短戀不被睇好分手3年 寫情歌成功翻撻
14年前，李亞男與王祖藍於兒童節目《DaDaDeDe精靈樂園》做主持撻着，不過戀情維持3個月就因身高差距告吹。在加拿大出世的李亞男是2004年溫哥華華裔小姐、2005年國際華裔小姐冠軍，五官標緻，身高175cm，王祖男就高162cm，被網民認為樣貌平平。李亞男坦承當時喜歡高大型男，而且面對外界目光太大壓力：「覺得佢細細粒幾得意，我都怕傷害咗佢，所以喺電話分手講到喊⋯⋯如果唔使顧及人眼光應該更早一齊」，王祖藍後來也承認覺得自己高攀不起選美冠軍而放棄。
(王祖藍微博)
分手後王祖藍愈來愈紅，先在《同事三分親》飾演「樓華」一角廣受討論，更成為《鐵甲無敵獎門人》的獎老及擔任香港小姐競選司儀，獲得飛躍進步男藝員獎項，二人距離漸漸拉近。2009年，王祖藍再次追求李亞男，為表誠意更不眠不休趕工寫情信加情歌《跌落凡間的天使》打動芳心，李亞男終被感動：「我嗰陣時以為世界好大，喺身邊搵吓有冇其他人發展，不過都係發現冇人比祖藍更適合我。」
(王祖藍微博)
(王祖藍微博)
外父外母嫌矮拒嫁女 豪擲500萬禮金娶亞男
李亞男的前度是律師，令外母嫌棄王祖藍外表，王祖藍憶述：「我嗰時係兒童節目主持，冇人識，身高又……佢屋企人覺得亞男拍拖應該係王力宏，點知你畀細龜！」首次提出婚事被拒，王祖藍於是親身飛去加拿大再次提親，答應會搞香港、上海、加拿大3地婚禮，又傳出以500萬做禮金，證明自己能給李亞男安全感，終用誠意打動外父外母。不僅如此，王祖藍在迪士尼豪擺60幾圍酒席，每圍接近2萬，打造童話式婚禮，有傳香港擺酒已洗200萬。此外，王祖藍再豪擲1,400萬買獨立屋，加上裝修費1,000萬左右，作為婚後愛巢。過了一段時間，他又再豪擲1億1千多萬元購入大屋，業權全歸老婆名下。直到如今一家3口相當溫馨又sweet，都要多得王祖藍當初的堅持。
(TVB電視截圖)
(TVB電視截圖)
撰文：張芷晴