《絕世港佬》五男大談「麻甩經」 黃建東扮女人終遇到對手

無綫綜藝節目《絕世港佬》逢星期六播出，由鄧梓峰、敖嘉年、吳家樂、黃建東和鄧智堅擔任主持人，有別於以往以女性家庭觀眾為主，今次五位大男人齊齊傾「男人經」，在宣傳片中見到五位型男超Chok登場，還以為是有關男士生活品味，不過在他們發放的照片所見，五位型男竟然在節目中崩壞演出，其中敖嘉年、黃建東和鄧智堅都要扮鬼扮馬演出，非常搞笑。節目賣點大談「中佬」話題，幾位主持到底人到中年未呢？

{{hket:inline-image name="8.JPG"}}{{/hket:inline-image}}

主持人特別走入大澳探訪當地的中佬。(圖片：TVB提供)

{{hket:inline-image name="6.JPG"}}{{/hket:inline-image}}

五位男主持各有特色。(圖片：TVB提供)

5位主持之中，以鄧梓峰年紀最大和資歷最深，他今年57歲，緊隨其後的吳家樂比他小10歲，今年47歲，敖嘉年幾日後過埋生日就踏入43歲，至於兩位扮嘢高手，黃建東和鄧智堅分別38歲和37歲，鄧智堅身形細細粒加上童顏，實在看不出原來已經有37歲之齡。

相關新聞：「巴斯光年」鄧梓峰家族顯赫人才多 同李家鼎黃宇詩有親戚關係？

{{hket:inline-image name="7.JPG"}}{{/hket:inline-image}}

年紀最大的鄧梓峰保養得不錯，跟幾位相差10年以上的男主持同場都不被比下去。(圖片：TVB提供)

在TVB提供的節目照片所見，黃建東和鄧智堅兩位扮嘢高手可謂盡展所長，見他們扮女人已經有如食生菜般，易如反掌，黃建東扮女人造型更被讚似足羅嘉良當年《先生貴性》的女人造型，不過見到一向以奸角走紅的敖嘉年都竟然參與埋一份，戴上又長又黑的假髮依偎在鄧智堅的肩膊上，看上去有點像簡慕華，認真夠晒突破。

黃建東接受《晴報》電話訪問，他表示節目的花絮相見到他們扮鬼扮馬，因為節目中有不少趣劇，他們要扮女人或者扮老，充滿趣味。節目是圍繞住香港的「佬」，他們會訪問不同界別的中佬，亦會講香港的男人圍埋一齊聊天的話題，他說：「傾女仔、養生、打波......講吓男人嘢，有陣時話題會大膽啲，傾傾男士的持久力。我自己最深刻係大澳拍一班中佬，佢哋好忙為中秋節去裝飾燈飾，身水身汗落枱櫈去準備中秋賞月，訪問嗰陣佢哋講返上年超級颱風襲港，班居民提早兩日返去大澳，希望盡量能夠保護大家家園，做到防風措施，仲講到眼濕濕，睇到就算鐵漢都有柔情同感性嘅一面。」

相關新聞：黃建東貴婦Look 激似羅嘉良？ 盤點5大令人「驚艷」男藝人

{{hket:inline-image name="10.JPG"}}{{/hket:inline-image}}

鄧智堅扮女人都維妙維肖。(圖片：TVB提供)

{{hket:inline-image name="09.JPG"}}{{/hket:inline-image}}

黃建東和敖嘉年呢身打扮，好明顯係扮緊屯門公園「Happy伯」事件。(圖片：TVB提供)

{{hket:inline-image name="07.JPG"}}{{/hket:inline-image}}

實在意想不到原來敖嘉年扮女人都幾ok。(圖片：TVB提供)

撰文：楊安莉