【聲明】港生活網站並無進行電話推廣活動

《念 ‧ 高錕》展覽 回顧光纖之父一生

發佈時間: 2019/09/23

今日係諾貝爾得獎者高錕教授逝世一周年,為紀念高教授,佢太太高黃美芸女士早年成立嘅高錕慈善基金,將會喺嚟緊呢一個月分別去到香港視覺藝術中心及香港中文大學等地舉辦《念‧高錕》回顧展覽,引領大眾走過「光纖之父」嘅一生。

高太同黛安分享,雖然教授已經離開人世,但係呢一年來基金會嘅工作並無因為高教授嘅離去而停止,希望透過今次展覽,等大家回顧一下高教授嘅生平故事,同埋佢對香港以及整個世界所作出嘅貢獻。另一方面,因應高錕教授晚年患上腦退化症,基金會亦希望藉住今次展覽,令參觀者加深了解腦退化症、當中嘅徵狀同預防方法,黛安覺得好有意義。

有興趣回顧「光纖之父」生平嘅朋友,即日起至今個月30號,可以去到香港視覺藝術中心5樓展覽廳欣賞;其後10月2號至14號就可以到中大圖書館地下欣賞呢個回顧展覽,了解高錕教授喺科學、教育同社會作出嘅唔同貢獻,仲有多款精選藝術創作、其他私人照片同珍藏紀念品等,記住唔好錯過!

撰文: 黛安 消息特靈八卦公關
欄名: 八卦名利場