近日每逢星期六晚上都會特別熱鬧和肚餓，事關無綫找來3位「哈比人」──鄺潔楹（Judy）、糖妹（黃山怡）和黃美棋主持飲食節目《香港美食一條街》，介紹香港不同區的美食，3位經常一邊試食一邊七嘴八舌講個不停，被不少網友大讚細細粒夠晒可愛，而且主持配搭新鮮，為電視觀眾帶來驚喜，不過亦有人投訴她們太嘈，到底私下的她們是否真的雞啄唔斷？
一click即睇：
3個女生在節目中不顧形象，瘋狂食食食。(圖片：《香港美食一條街》電視截圖)
監製因高度而湊成3女，沒想到她們因拍攝而成為好朋友。(圖片：糖妹IG）
3女到達受訪餐廳，人未到聲先到，果然名不虛傳。她們直言拍攝節目前互不相熟，沒想到一拍即合，糖妹笑言：「我哋3個好夾嘅其中一個原因，就係大家視線一致。」她們口中的視線一致，全因3人高度都差不多，屬細細粒的「哈比人」，所以話題相近，遭遇都相似。糖妹不認同矮就一定可愛，但Judy說：「不過普遍高人都覺得我們好可愛，好羨慕我哋，劉穎鏇經常笑我好得意。而且令人羨慕嘅事，就係我哋好容易識到男仔！」有男友鍾健威的黃美棋即時撇清，稱自己名花有主，美棋說：「平時我哋視線總係向上望人，就見到好多人啲下巴，但佢哋角度睇我哋，永遠都係面瘦瘦，呢個係其中一個優點。」
Judy在《愛回家之開心速遞》入面跟阮政峰飾演的「池子孝」是一對，她表示對戲完全沒有高度差距的問題，她說：「阮政峰話每次同我演對手戲，當日啲自信心特別勁，因為同公司其他女藝員拍好少有呢種感覺，有時甚至係佢要企木箱『增高』，同我拍就無呢個煩惱，因為就算我著幾高嘅增高鞋都好，佢點都係會睇到我頭頂！」Judy稱監製和觀眾都覺得她的樣子不似「細細粒」，身旁的糖妹即時說：「係咩？一睇《學是學非》所有人都知你矮！我個人唔貪心，如果可以，我只係想腰長少少，令到身材比例好睇啲。」
相關新聞：【洗腦歌】5尺譚嘉儀水著賀MV破300萬 細數圈中「袖珍」女藝人
Judy、糖妹和黃美棋都是「細細粒」代表人物。(《晴報》圖片）
3人因為節目而熟絡，連糖妹的組合「糖兄妹」推出的新歌《離心力》，都感染到2位主持拍檔、導演和拍攝工作人員，全部都滾瓜爛熟，不時齊聲高歌，認真老友。不過她們直言拍攝飲食節目絕對不是純粹享受，她們說：「第1集因為要摸索拍攝個數量同埋個節目氣氛，所以連同街頭小食，我哋一日食足11間食店。我哋嘅食量愈嚟愈驚人，就算放假唔使拍嘢，每到10點就會覺得肚餓。我覺得大家最關心嘅係我哋拍完呢輯節目之後，可唔可以保持住個身材呢？纖體公司係時候搵我哋喇！」問到節目到底為她們帶來多少體重？糖妹笑言：「邊有飲食節目女主持夠膽磅重？絕對冇人敢做！」
相關新聞：《愛回家》揀池子孝棄佐治？ 同鄺潔楹演對手戲一定要拉筋
{{hket:inline-image name="d761544b-d89c-4a30-ab38-d1289bac25f0.jpg"}}{{/hket:inline-image}}
一開餐，3人一邊食一邊嘈個不停。(《晴報》圖片）
{{hket:inline-image name="e468653a-5826-452b-bf6b-f3a01d186db1.jpg"}}{{/hket:inline-image}}
她們直言拍攝飲食節目完全不敢量體重。(《晴報》圖片）
{{hket:inline-image name="6676ece4-d8e3-44c0-8110-f1a2d0a7ec7e.jpg"}}{{/hket:inline-image}}
糖妹是3人之中食量最驚人的一位。(《晴報》圖片）
{{hket:inline-image name="137924fa-e210-4aad-93a1-d6ea82d126cd.jpg"}}{{/hket:inline-image}}
美棋BB名花有主，不擔心食肥無人要。(《晴報》圖片）
3人身高差不多，不過食量比較又是如何呢？美棋直指是糖妹，糖妹都點頭承認，她說：「好多朋友問係咪食完吐返出嚟就算，我想講我哋真係全部都吞晒，不過如果你見我哋去一間餐廳，不停提到嗰樣食物，就代表真係好好食。」不過原來Judy都不弱，美棋說：「如果論飲品類的話，Judy就稱霸。最恐怖係佢飲珍珠奶茶或者咖啡，佢會放足全日，夜晚又照樣拎返嚟飲，所以佢有個『百飲不屙』嘅稱號。」
鄺潔楹是不少男士心目中的女神。(《晴報》圖片）
拍攝節目而成為好姊妹，非常難得。(《晴報》圖片）
她們表示節目反應很好，暫時添食到11月。她們笑言香港18區相信都會去到，希望緊接的第19集可以衝出香港，飛日本、台灣或者泰國繼續介紹美食。糖妹說：「你哋節目所睇到嘅全部都係真，大家好辛苦咁去拍攝，真嘅美食我哋都會喺個樣度表達晒出嚟，所以記得收睇！」節目《香港美食一條街》每周六晚上21:30－22:30於翡翠台播出。
場地：炑八韓烤親子餐廳
撰文：楊安莉