林奕匡「太薯」被老婆嫌棄

林奕匡（Phil）昨日到商台宣傳新歌《重讀興趣班》，派台書印上他多張童年照，他笑言小時候在加拿大最難忘的是音樂興趣班︰「嗰時學單簧管同色士風，頭兩、三年都唔太enjoy，到13歲參加暑期班學爵士樂，才真正愛上音樂，每日放學去屋企間餐館幫手，返屋企就練樂器。」

Phil笑言參加興趣班的最大收穫，正是認識到朋友及另一半。他笑說：「讀大學嗰陣參加中文DJ訓練班，喺嗰度識到我老婆（李靄璣），大家約去唱K、傾MSN，識咗兩年先拍拖。老婆話我嗰時個樣太薯，要觀察咗先發展。」