香港嘅樓價呢十幾年嚟都不斷上升，唔少香港人勞碌一世都係為咗「上車」，有片瓦遮頭都變得非常奢侈。為「上車」奔波都唔只係普通市民嘅選擇，唔少明星都會「買磚頭」，自住之餘都希望令自己嘅資金保值。有啲仲會為咗替小朋友揀校網同令屋企人住得舒服，不惜工本愈住愈豪！
（東星娛樂）
一向有買樓投資嘅陳豪早年已有調景嶺都會駅揸手，13年睇中大埔買入連裝修嘅比華利山別墅1期示範單位，是最後一座待售的「湖景道雙號屋」4千呎大型別墅，實用面積約2,461平方呎，貪其遠離市區夠隱蔽，又有無敵大海景，最後以3,300萬港元（呎價約8,086元）購入。
不過舊年陳豪大仔轉往黃竹坑新加坡國際學校讀書，於是以約6萬元租出自住嘅比華利山別墅，一家五口再搬往位於南灣，月租7萬元的嘉麟閣，方便囝囝返學。
（東星娛樂）
王浩信上年以3,300多萬元購入清水灣傲瀧11座一個高層單位，實用面積為1,837呎。王浩信話為咗「上車」儲咗好耐錢，冇同老婆商量，阿媽一鍾意就扑槌，認真孝順仔。
（東星娛樂）
周柏豪與王浩信同樣買入同屋苑一個單位，未有透露其單位價錢。2016年結婚的柏豪一向是「愛妻號」，佢透露買樓係送畀太太嘅禮物：「當係結婚周年紀念禮物又好，佢生日禮物都好，咁多年來太太喺背後畀我好大支持。」
（東星娛樂）
蔡少芬先後誕下大女張楚兒及細女張信兒，為方便大女在市區就讀名校，2013年以1,200萬元買入位於九龍站的凱旋門中高層單位。兩年後為女兒有更多活動空間，以2,633萬港元買入元朗爾巒一間面積約1,700呎的雙號屋。早前再宣布有喜嘅佢唔知會唔會孟母三遷再搬竇呢？
（東星娛樂）
（蔡少芬微博）
陳浩民2017年與太太蔣麗莎、長女陳雅薷、次子陳璟逸、三女陳若嫣與幼女陳熙妏一家六口以月租14萬，由紅磡搬到何文田半山壹號一個面積二千多呎兼有泳池嘅單位，佢透露新居除咗方便子女讀書，小朋友仲可以喺屋企享用私家泳池。
（陳浩民微博）
張敬軒曾每月花18萬元租住摩星嶺三級歷史建築文物別墅，兩年租金就使咗400多萬，後來自己亦愈住愈豪搬上半山豪宅，月花20萬交租依然「冇眨眼」，單單多年來的租金已足夠買樓。英皇老闆楊受成老闆睇唔過眼軒仔唔買樓為資金保值，仲幫佢畀埋首期，買番佢當年搬到香港區租住嘅第一間屋，喺天后廟道、樓齡過半百嘅千呎唐樓「發迹屋」：「冇諗過賣嘅，依家租咗出去，諗住將來留嚟養老過世！」
（東星娛樂）
《軒仔與他的產地》電視截圖
《軒仔與他的產地》電視截圖
《軒仔與他的產地》電視截圖
撰文：黃蘊姿