拍戲劫珠寶店 古天樂扮悍匪佐敦駁火

古天樂、姜皓文、宣萱及顏卓靈主演的懸疑警匪片《犯罪現場》，其中一場在佐敦鬧市實景拍攝的「珠寶金行搶劫」幾可亂真，劇組耗資七位數字搭建珠寶店，連飾演大賊的古仔也表示械劫場面非常震撼。

新片《犯罪現場》於下月24日在港上映，戲中一幕重頭戲講述古天樂與同黨凌文龍、李璨琛及吳浩康等打劫珠寶店，飾演警察的姜皓文帶領同僚展開追捕。雖然古仔拍動作片經驗豐富，但他表示︰「好多時拍戲都係借廠景，好少警匪片真係鬧市取景。今次（在佐敦）租咗個舖位，以實景搭咗間珠寶店出嚟，嗰場戲好大陣仗，講劫匪喺珠寶店打劫，事後點樣離開，好多警察追捕，個感覺好真實，好震撼！」

由於要封街拍攝，動用多部警車，還有多場槍戰戲，古仔形容拍攝當晚引起少許恐慌，有途人以為是真打劫。姜皓文更爆料指珠寶店幾可亂真︰「有兩個遊客走去想買珠寶，我哋話係拍戲，佢哋都話『乜整到咁真！』，我咁大個仔第一次喺佐敦道開對頭車，仲要開槍！」說時黑仔仍然非常肉緊。

而飾演女警的顏卓靈初嘗開槍滋味，她說：「珠寶店入面開晒機關槍，有煙霧彈同爆玻璃，開頭我好驚，但爆完就發現好安全。」

撰文︰Pauline

編輯：陳禮恒

美術：梁政敏