【聲明】港生活網站並無進行電話推廣活動

【好人好事】港男大頭蝦無帶銀包阻塞收費站 後車暖男不躁底一個舉動超窩心

發佈時間: 2019/09/25

若在無助之時有人能伸出援手,相信大家都會倍感溫暖。一名男網民在網上發帖,指自己昨晚(24日)過了尖山隧道到達收費亭時,才發現沒帶銀包,後方車輛的司機則不但沒嫌他阻塞通道,更暖心地下車替他支付費用,對此他大為感動:「其實香港真係有好多好心嘅人!」

樓主發現銀包失蹤 幸獲後車暖男伸援手

該名男網民今日(25日)在Facebook群組「Tai Po 大埔」發帖,指昨晚過完尖山隧道到達收費亭後,才發現不知銀包在哪,

「搵咗一段時間,結果收銀員叫我搵清楚,點知後面嗰位揸Alphard疑似30幾歲嘅叔叔,真心好多謝你,即刻拎咗張10蚊紙出嚟給我,仲要非常非常客氣(換轉其他人一定已經躁晒底呠我)。」

{{hket:inline-image name="car250920191.jpg"}}{{/hket:inline-image}}

起初,樓主不打算接過該張10蚊紙,但後車司機不停表示「唔緊要你畀咗先」,「當我找返2蚊畀佢嘅時候,佢仲話,小小心意唔緊要,幫到就夠。」對此,樓主大為感動,

「雖然只係一面之緣,我都已經唔係好記得你個樣,我答應過如果有機會一定請你食糖水!希望你仲記得我口述畀你嘅地址……好人一生平安!見到你哋成車人一家大細好溫馨,祝你幸福!你真係超級超級好人!」

網民留言讚後車司機好人 笑指「畀着我都會」

此事引來網民熱議,不少人留言大讚後車司機好人,「香港有愛系列」、「你遇到個好人真係好喇」、「好人未絕種」。同時,亦有網民笑言「畀着我都會,因為你阻住我」,更搞笑地稱:「你叫人做叔叔我諗佢好後悔幫咗你!睇個款你細佢幾年咋喎!」此外,亦有網民表示:「下次可以同Staff講冇水,抄車牌,照過,之後補返。」

冇錢或誤闖隧道自動繳費通道 業界:司機不用慌張

如遇上類似樓主的情況該如何處理,有隧道收費員曾在網上指出,若有司機無法支付費用,他們會通知控制室,「通常要留電話抄車牌」,司機再後補車費。若誤闖隧道的自動繳費(Autotoll)通道,有運輸業人士曾向傳媒指出,司機誤闖後不用慌張,可在過完隧道後找安全地方停車,待隧道公司職員前來收費,或在下一次經過隧道時補交費用。此外,隧道公司會錄影當時的情況,再發信予司機補交隧道費。

 

撰文:李凱晴