12月結婚 C君開心過大禮 陸永做戥穿石 粉絲：快啲生個小C君

組合農夫成員鄭詩君（C君）將於年尾迎娶港台DJ黃天頤，昨日C君進行過大禮儀式，老友陸永亦有同行。一對準新人分別在IG上載照片放閃，男方更笑指過大禮規矩多多，女方則認為見到長輩的笑容已經值得。不少樂迷祝福C君、準C太盡快生B；有粉絲亦期待二人的大日子！

35歲的C君將於12月與拍拖四年的黃天頤共諧連理，二人多年來一直很恩愛，C君亦經常攜同未婚妻出席圈中好友的聚會。C君曾透露會邀請鄭裕玲、麥玲玲飲喜酒，至於好友陸永、黃翠如則擔任兄弟團。

昨午C君率先在IG發相放閃，原來他剛到女家過大禮。照片中，除了天頤的親友，亦見C君的好兄弟陸永在場，一對準新人皆紅噹噹上陣，盡見幸福。C君又開玩笑稱︰「過大禮原來有咁多規矩咁多儀式咁多嘢，發明呢樣嘢嗰個人真係好勁，促進感情更加促進經濟，多謝！」

天頤喜見長輩欣慰

至於準新娘天頤亦有發文︰「我們過大禮了。雖則過大禮有好多繁文縟節，但見到長輩的笑容，值得了。」她又感謝表妹客串當大妗姐及陸永的幫忙。照片所見，過大禮的物品包括嫁囍餅、椰子及龍鳳鈪等，可謂跟足規矩。天頤其後再發布限時動態，原來有大妗姐向她私訊，感謝她支持中式傳統禮儀。天頤稱︰「其實又真係幾喜慶，嚟緊結婚嘅真係可以考慮下，唔使好多嘢，但長輩都會幾Happy。」

唐詩詠率先送賀禮

C君圈中好友包括張繼聰、唐詩詠、官恩娜、林欣彤、蕭潤邦也在帖文下送祝福。此外，唐詩詠更提早送上印有準新人樣子的碗筷，天頤直指這是第一份結婚禮物，更於IG留言︰「為咗見到你有份畫嘅手藝，我以後食飯會食到乾淨見底為止。」

很多樂迷紛紛恭喜C君及準C太；有網民亦希望二人能夠排除萬難生一個健康寶寶。其實，縱然C君自小已患有地中海貧血症，但天頤曾在訪問中強調並不擔心，相信兩人早已有「造人」大計。

撰文︰Steven、Pat

協力︰Terri

編輯︰黃寶恩

美術︰梁政敏