71歲蘇婆婆本來有兒有女有公屋，生活美滿幸福，怎料兒子以裝修單位為由，安排蘇婆婆暫住老人院後，卻一直拒絕接她回家、兼換鎖、失聯、懷疑圖更改戶籍及擅取她的生果金。蘇婆婆有家歸不得，要孤身住在老人院，一度在鏡頭前淚崩。《東張西望》攝製隊實地採訪，終揭發真相。
(TVB電視截圖)
(TVB電視截圖)
家人控訴二仔6大惡行
《東張西望》找來蘇婆婆大女、細女做訪問，她憶述：「我爸、我媽、我細佬幾年前喺寶達住，我細佬結婚，兩公婆搬出去住，唔理兩老。到我阿爸有絕症，佢同全部親戚講要照顧阿爸、阿媽，想申請大屋，我話好啊。」結果蘇婆婆二仔一家3口加入她的公屋戶籍，成家調遷到大單位。據節目所說，老父離世後，蘇婆婆二仔突然要裝修公屋，請母親到老人院暫住半年，一住就是3年。大女說道：「佢話我要裝修，阿媽你去老人院住一排，6個月後就會接返嚟，到依家都未接返去！拖到打電話畀佢都唔聽，擺佢電話入黑名單。」蘇婆婆一邊聽一邊哽咽，說：「鎖匙都唔畀我...佢話...唔要我。」
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)
節目引述兩姊妹的說話指蘇婆婆在老人院經常哭著要回公屋住：「佢日日都喊到要生要死，跌到成塊臉腫晒、瘀晒，背脊裂晒...佢自己想死。兩公婆一路指住佢塊臉鬧，咁多人死唔見你死，之後我同佢哋嘈交，你話做仔女睇到心唔心酸？喺街見到一個阿婆，你都會唔捨得，（更何況）你自己阿媽！」主持人利穎怡問蘇婆婆覺得二仔如何，雖然她回答：「要聽老婆話」，不過仍然希望同二仔一齊住。於是兩姊妹不時帶婆婆回家敲門，有時無人在家會叫鎖匠撬門。社工曾建議他們分戶，不過二仔一知道自己分戶會失去公屋就拒絕，繼續不讓身為戶主的蘇婆婆踏足家門。
(TVB電視截圖)
(TVB電視截圖)
大女表示幾姊弟曾經商討過湊錢幫工人，聲稱有人提出無理要求：「佢（二仔）叫我哋兩姊妹一人畀10萬，擺喺佢嗰度...我阿媽每年生果金有雙糧都被佢吞埋，個個月我阿媽問佢攞錢，佢都話冇，話要交老人院錢，同親戚朋友講一個月要補貼幾千蚊，其實一毫子都唔使貼」她們擔心金錢會不知所終，亦懷疑二仔想改變蘇婆婆戶主身分。兩姊妹試過去屋邨辦事處想問過明白，怎料受到阻撓，大女婿投訴為何他們無視住客不讓戶主進屋的問題：「每次房屋署都會應佢個仔要求幫佢整鐵閘，得佢個仔有鎖匙。」
(TVB電視截圖)
實地採訪引發劇烈衝突
節目攝製隊同兩姊妹上門找二仔，雙方對鬧，期間二仔情緒激動，將手伸出閘外呼喝，最後有警員接報到場。主持利穎怡雖受驚，但堅持訪問，不少網民見到她呼吸變得急速，明顯好緊張，為她的勇氣表示佩服。
(TVB電視截圖)
(TVB電視截圖)
(TVB電視截圖)
(TVB電視截圖)
撰文：張芷晴