【厲害了】那英不滿粉絲偷拍黑面大腳踢 食花生網民解畫來龍去脈

出道超過20年嘅女歌手那英，憑唱功同廣闊嘅音域，喺兩岸三地都吸咗唔少粉絲，早年仲因為喺《中國好聲音》擔任導師而紅上加紅，大陸Fans多到爆。最近，那英就去澳門舉行《中國好聲音》演唱會，不過就喺商場發生咗不愉快事件。

{{hket:inline-image name="TUNGSTAR5866221.jpg"}}{{/hket:inline-image}}

（東星娛樂）

昨日（29日）網上流傳一條那英疑似出腳踢人嘅15秒短片。短片中一名女生開住自拍鏡頭錄影，而嗰位女仔身後就正正係那英。嗰位錄影嘅粉絲野生捕獲名人影得非常開心，不過喺呢個時候，身後嘅那英發現被偷拍後即黑臉，仲疑似一腳踢向對方！被踢倒嘅女仔即刻向前衝咗幾步，面露痛苦表情。

{{hket:inline-image name="1569765154_f9f8.jpg"}}{{/hket:inline-image}}

（微博圖片）

好多網民睇完短片後，為被踢嘅女仔感到不值，到那英嘅社交網站「洗版」指責，仲有聲稱係被踢女仔朋友嘅人出嚟澄清，話個女仔係那英Fans，專程去澳門睇偶像演唱會，朋友喺澳門新濠天地購物中心遇上那英時只係想合照，並冇偷拍嘅意思，指事後被踢嘅女仔喊咗好耐，仲撕爛埋演唱會飛。

{{hket:inline-image name="1.JPG"}}{{/hket:inline-image}}

（那英微博留言）

不過都有網民撐那英踢得好，話偷拍被踢係「活該」。有人留言為那英「洗白」，話自己當時喺現場食花生，聽到有人話一開始那英嘅助手已經好言相勸叫佢唔好影相，係嗰個女仔唔聽繼續影先會激到那英咁嬲喎。大家又撐邊一方呢？

{{hket:inline-image name="2.JPG"}}{{/hket:inline-image}}

（那英微博留言）

撰文：黃蘊姿