聽日就係中華人民共和國成立70周年嘅大日子，中國電影界為慶祝呢個大日子，呈獻多段式獻禮電影《我和我的祖國》。電影由７個導演聯合製作7個環環相扣嘅故事，以「歷史瞬間，全民記憶，迎頭相撞」嘅串聯手法，講述了70年間不同職業、背景及身份嘅普通人在時代背景下發生的不平凡故事。
{{hket:inline-image name="1.JPG"}}{{/hket:inline-image}}
電影由中華人民共和國成立，中國女排首獲世界大賽三連冠、中國第一顆原子彈試爆成功、08年北京奧運會及神舟十一號返回艙成功著陸等故事串連，其中由7月喺內地捱咗一刀嘅任達華擔綱嘅節錄《回歸》最能夠引起香港人共嗚！
{{hket:inline-image name="2.JPG"}}{{/hket:inline-image}}
{{hket:inline-image name="6.jpg"}}{{/hket:inline-image}}
{{hket:inline-image name="3.jpg"}}{{/hket:inline-image}}
「154年了，我們不能再多等一秒。」預告片嘅開始係英國談判官員（河國榮飾）同中共外交部禮賓司副司長（內地演員王洛勇飾）爭辯主權移交嘅實質時間，後來中共企硬要喺７月１日嘅０時０分升上中國國旗。
{{hket:inline-image name="7.jpg"}}{{/hket:inline-image}}
愛國嘅皇家香港警察惠英紅都非常重視呢一日：「今日係重要嘅日子，一秒都唔可以錯。」仲特登去搵鐘錶佬任達華較正時間為主權移交做好準備。任達華都沉着認真咁回答：「放心，一秒不差。」
{{hket:inline-image name="8.jpg"}}{{/hket:inline-image}}
{{hket:inline-image name="10.jpg"}}{{/hket:inline-image}}
終於英國國旗除下，中國國旗隨住國歌冉冉升起，惠英紅頂上嘅帽都由皇冠頭換上區徽，見證住一個時代嘅結束同開始。呢個時候任達華都再忍唔住佢盈於眼眶嘅淚，國旗徐徐上升；佢嘅眼淚就默默下落，重演當年溫兆倫見證回歸時「哭」嘅一幕，片尾伴隨住璀璨嘅煙花，非常賺人熱淚，實在係一部慶祝10.1回歸唔可以錯過嘅電影！
{{hket:inline-image name="11.jpg"}}{{/hket:inline-image}}
{{hket:inline-image name="2w1oYmLwoA5Wgte1KY5Bxg5Bp1lrVArMO2ipHztoqR8.jpg"}}{{/hket:inline-image}}
(網上圖片)
{{hket:inline-image name="111.jpg"}}{{/hket:inline-image}}
大家一齊睇吓《我和我的祖國》預告片，睇晒唔喊當你贏！
{{hket:youtube id="HO6LQGMly2M"}}{{/hket:youtube}}
{{hket:inline-image name="123.jpg"}}{{/hket:inline-image}}
(圖片來源:電影 《我和我的祖國》預告片)
撰文：黃蘊姿
