“反”斗城打卡 同Geoffrey慶生贏獎品

小朋友個個都鍾意買玩具，記唔記得次次去玩具“反”斗城，都會見到佢地嘅吉祥物長頸鹿Geoffrey？黛安知道，今年係Geoffrey 69歲生日，所以玩具“反”斗城亞洲早前就請咗嚟自亞洲唔同地區嘅小朋友，用佢哋設計嘅幻想朋友做藍本，製作咗一班Geoffrey「慶生小隊」成員！

呢個小隊會喺10月7日起喺香港玩具“反”斗城所有分店出現，店內會隱藏咗14位隊員，包括來自馬來西亞嘅Recycloud、香港嘅Sappire Fairy同埋新加坡嘅Cupcakety等。

到時大家開fb嘅擴增實境（AR）濾鏡，就可以開始搵佢哋喇。當搵到同掃描晒所有隊員，仲可以免費贏取軟綿綿嘅Geoffrey彈力軟包一個，不過數量有限，送完即止㗎。家長同小朋友亦可以分享玩樂中嘅相片去到社交平台，加入#GeoffreysDay19標籤，留低倩影。