樊亦敏在《愛．回家之開心速遞》飾演潑辣的「三太」，演技搞笑啜核，但她年輕時其實行氣質女神風。早前她上載索爆素顏照已引起網民激讚，近日幾張工作照再次成為網民焦點。事關她戴上黑色長假髮，眼大大，好後生，大家紛紛留言：「似比真實年齡48歲後生20年」、「好靚女」、「點解你古裝成個少女咁嘅？」，甚至有人覺得似梁詠琪。這位美魔女除了有美貌，仲好有愛心，不但出錢出力救中風後的劉家輝，還助陌生獨居老伯...但為甚麼如此好女人會單身呢？
(樊亦敏instagram截圖)
(樊亦敏instagram截圖)
(樊亦敏instagram截圖)
自小拍廣告曾拒入開心少女組 純天然靚樣點Keep？
樊亦敏天生麗質，14歲就得到在廣告公司工作的叔叔睇中，到長洲拍朱古力廣告。據知，當時叔叔急於招聘演員，而媽媽又覺得樊亦敏有空，便提議她去拍攝。後來，樊亦敏成為廣告明星，拍攝過多個經典廣告，如陽光檸檬茶、橙及快餐店等。樊亦敏接受傳媒訪問時大爆，原來當時家人怕她整日吃朱古力、橙會食死，又怕會影響上學，所以婉拒了很多星探，有次甚至遇到黃百鳴親自邀請她加入開心少女組，她都拒絕。
其後樊亦敏到日本讀書，被媽媽建議參加1991年香港小姐競選，出埠到瑞士拍攝，最後成功奪最上鏡小姐，於決賽中打入5強，順勢加入TVB。如今樊亦敏雖然年屆48歲，不過都保養得相當好。她表示平時會素顏、淡妝出街，不會如電視般豪華。她笑言自己是純天然、從無整容，連一針都沒有打過，所以不會膠臉，變得年輕最重要是保養，以及保持心境開朗。
(YouTube截圖)
(TVB電視截圖)
(TVB電視截圖)
因身體問題錯過多段感情 仗義幫人享受單身
儘管樊亦敏美貌動人，惟緋聞很少，只被傳過與坐擁20億身家的「地產神童」羅兆輝（已因心臟病發去世）在一起，以及跟何寶生（已出家為僧）有真正拍過拖。樊亦敏就話自己都有拍過拖、追求者多，可是因為身體免疫系統出問題，長期低血壓、有隱性哮喘病、體質敏感，不容易懷孕。為免不能為另一半生育下一代，所以她錯過很多段感情。患病30年，樊亦敏未停止服用類固醇，試過頭髮脫剩3分1，又要頭插百針，現在仍要針灸、推拿及服中藥保養身子，相比起單身，她更介意健康，難怪她說：「冇咩感覺...雖然單身，但做到鍾意嘅嘢又健康，已經好幸福。」
人美心善，樊亦敏曾仗義幫忙中風癱瘓，同時被妻兒離棄並索錢、前助手搞亂賬簿獲利的劉家輝師傅，不但定期探望對方、照顧起居飲食、安排治療、幫他向助手討回200多萬元...令劉家輝師傳一度自覺是負累，後來才釋懷。不說不知道，樊亦敏陪朋友到醫院睇醫生時，曾經認識一位無依無靠的陌生老伯，於是與朋友幫他清潔家居、接他出院、安排他入住護老院，最後更陪他走過人生最後一段路。
(樊亦敏Faccebook截圖)
撰文：張芷晴