【聲明】港生活網站並無進行電話推廣活動

《魔雪奇緣2》新玩具產品 玩具"反"斗城登場

發佈時間: 2019/10/10

電影《魔雪奇緣2》下個月23日就有得睇喇,黛安收到風,玩具"反"斗城會推出全新《魔雪奇緣2》玩具系列同產品。新玩具會重現電影經典場面,件件都好靚,例如會以電影造型現身嘅愛莎同安娜發聲人偶,只要按下按鈕,佢哋條裙就會發光,同時仲會唱出電影原創歌,售價都係299.9元。

《魔雪奇緣2》人偶系列有齊安娜、愛莎、基斯托夫、雪人小白及馴鹿斯特,佢哋會以各自招牌造型亮相,可以擺出唔同姿勢㗎。黛安仲知道,安娜同愛莎各款套裝備有6條髮圈、2個髮夾同1把髮梳,小朋友可以盡情幫兩位公主扮靚靚啦。

如果想體驗各位主角嘅生活,可以揀個立體場景套裝。好似阿德爾城堡套裝就展示咗安娜同愛莎嘅睡房;而阿德爾村莊套裝就會呈現電影其中一個場面,附設Q版安娜公仔、3個魔法藥瓶、1條鑰匙及1架手推車,小朋友可以運用道具創作獨一無二嘅故事。咁多玩具可以揀,黛安嘅少女心即時返晒嚟,好想買晒返屋企收藏啊。

撰文: 黛安 消息特靈八卦公關
欄名: 八卦名利場