【聲明】港生活網站並無進行電話推廣活動

鄭俊弘新歡舊愛同場 何雁詩姜麗文無尷尬

發佈時間: 2019/10/10

姜麗文曾與鄭俊弘(Fred)拍拖,分手時鬧不快。事過境遷,現時Fred與女友何雁詩愛得甜蜜,姜麗文亦已有感情穩定的男友。「現任」與「前度」前晚首次同場錄影節目,兩女大方合照,絕無「面左左」。

何雁詩、姜麗文、黃祥興及趙希洛等前晚錄影節目《娛樂大家》,何雁詩笑容滿臉,不介意與男友鄭俊弘的前度姜麗文同場,兩人更大方合照,表現全無芥蒂。何雁詩表示得知會有記者,事前已和姜麗文認真傾過,她說︰「無尷尬,我哋同一間公司,始終都會見到。(有無談到Fred?)唔會特別傾,如果唔係,就真係尷尬!」她表示已與男友提過會與姜麗文同場,但男方沒有甚麼反應。

提到錄影節目時要大玩遊戲,何雁詩表示近日跟鄰居學打麻將,是否打算行「奶奶政策」?她笑說︰「如果大家有多個共同嗜好都好,聽過話牌品好等於人品好。」她自誇有「賢妻良母」特質,因平時喜歡留在家中煮飯,煮六人餐也難不到她。

至於Fred前度姜麗文亦輕鬆說︰「同場無所謂,最緊要大家開開心心、世界和平。我依家同柏豪(現任工程師男友)好開心,我同Fred已經係舊聞。」她直認跟Fred仍有聯絡,但話題只限於曾一同飼養的愛犬︰「大家無負面情緒,算係hi bye friend。」

黃祥興趕做豬爸爸

另外,同場的黃祥興即將第三任做爸爸,他笑言太太預產期在明年一月底,屆時希望趕及生豬BB。他說︰「太太到時會剖腹生B,我哋本身已湊夠『好』字,所以今胎係仔定女都無所謂,但會係最後一個喇。」他笑言考慮接受人工絕育。

撰文︰Pauline

編輯︰李潔盈

美術︰梁政敏

鄭俊弘(資料圖片)

黃祥興與趙希洛分別扮成小丑及小丑女。