預告個唱曬肌 阮兆祥︰夠掌聲我咪露

阮兆祥將於本月25日至27日假旺角麥花臣場館舉行演唱會，祥仔前晚先在灣仔舉行新碟試聽會，更自爆買了100隻唱片送給親朋好友。祥仔自言仍未達理想體重，希望減多四至五磅，問他是否已練成「朱古力腹肌」？他笑說︰「我從來無諗過露腹肌，如果到時你哋睇得開心，或者到時夠掌聲，咁我咪露囉。」他認為做藝人要主動將正能量及開心帶給觀眾，問他可擔心開騷時的交通情況？他說︰「擔心唔嚟，依家同製作團隊一齊諗，萬一到時局勢唔太穩定，或交通唔太理想，暫時都有少少諗法。」

提到日前馬蹄露在旺角與示威者發生衝突受傷，祥仔說︰「我覺得香港唔同咗，例如香港人對唔同性別、年齡、宗教信仰、性取向，大家都有尊重，但近排好似變得無咁理解，但我相信有智慧嘅自己可以解決到呢件事。」他相信有觀眾可能想逃離政治而看娛樂新聞，所以他現以工作為先，將開心情緒傳開去。

攝影︰林良明