【多圖】陳山聰Apple遠赴法國影婚紗相 「希望畀到佢有個美好回憶」

陳山聰近來在熱爆劇集《金宵大廈》中飾演保安員阿蕭一角，表現出色，首次擔正男主角就大受歡迎，不少網友都推舉他成為今屆視帝，相當令人鼓舞呀！正所謂人逢喜事精神爽，山聰拍劇叫好又叫座之餘，更快將迎接他的人生大事，11月1日就是他正式迎娶拍拖5年多的女朋友Apple的大日子。

{{hket:inline-image name="gd.jpg"}}{{/hket:inline-image}}

呢排《金宵大廈》Hit爆，陳山聰表現都受讚賞（圖片來源：TVB）

{{hket:inline-image name="g.jpg"}}{{/hket:inline-image}}

山聰與Apple拍拖5年，感情穩定（東星娛樂）

早前，山聰與Apple更特地飛去法國拍攝婚紗相，從相片可見，山聰望住Apple的眼神簡直是甜到漏，兩人的神態均流露出無限的幸福和快樂。山聰表示：「其實我同太太拍拖呢5年入面，我都冇為太太做過啲咩浪漫嘅事，依家終於要結婚喇，所以我好想帶佢去一個好浪漫嘅地方影相補數，希望畀到佢有個美好回憶。法國係一個我相信大部分女仔都會鍾意嘅地方，加上太太以前都未去過法國，所以好想同佢喺呢度，影一輯靚靚婚紗相，成為我同佢之間一個最美好同難忘嘅回憶。」

相關新聞：陳山聰11月娶圈外旺夫女友 浪子回頭搣甩「棄糟糠」標籤

{{hket:inline-image name="fdx.jpg"}}{{/hket:inline-image}}

（圖片來源：大會提供）

山聰笑言今次拍攝婚紗相絕對是多得好多兄弟姊妹的幫忙，令他能夠用最有限的預算，做到最佳、最滿意的效果。山聰說：「攝影師Frankie係幫袁偉豪影寫真嘅攝影師，亦係我哋嘅好朋友。化妝師同髮型師都係一向合作開嘅兄弟班，服裝方面，婚紗由設計師Kev設計，連裙上面嘅喱士都係由法國運返嚟做。大家都知我係貪靚鬼，我套禮服係買嘅，好彩有蘇永康先生同佢太太仗義幫忙，我先得到呢套好有型嘅禮服。」

相關新聞：【洗底成功】陳山聰6年谷底攀上男一之位 「四失聰」絕地反彈全靠一個人

{{hket:inline-image name="cx.jpg"}}{{/hket:inline-image}}

（圖片來源：大會提供）

陳山聰今次影婚紗相可謂落足本錢，問到世紀婚禮的預算？山聰說：「呢個美好回憶係唔可以用錢去衡量，婚紗相出嚟嘅效果好滿意，只要係能力範圍內做到，一定要令太太開心，希望大家睇到都鍾意。」山聰之後表示11月1日的婚禮會以簡單形式進行，最重要是家人同最好的朋友在場，只要能與他們分享喜悅，就已經是最美好的一晚。

{{hket:inline-image name="vc.jpg"}}{{/hket:inline-image}}

（圖片來源：大會提供）

{{hket:inline-image name="v.jpg"}}{{/hket:inline-image}}

（圖片來源：大會提供）

{{hket:inline-image name="gff.jpg"}}{{/hket:inline-image}}

（圖片來源：大會提供）

{{hket:inline-image name="7.jpg"}}{{/hket:inline-image}}

（圖片來源：大會提供）

撰文：羅慧怡