Monchhichi ╳ 為食跑 籌107萬卡路里食物贈基層

適量運動、均衡飲食係健康生活方程式，但有無諗過將兩樣嘢融合，再為有需要人士籌集食糧呢？黛安知道，膳動衡最近同經典卡通人物Monchhichi合作，噚日舉行咗個「Monchhichi x為食跑」活動，號召咗多達6,000名參加者共同為社會出一分力，最終共籌得超過107萬千卡，等同於5,366碗飯，將捐畀有需要人士！

公關姊妹分享，今次活動設有2公里兒童或個人、4公里個人或親子，以及10公里個人或團隊組別，參加者仲可以沿路欣賞將軍澳海旁同遠眺港島東沿岸景色路綫，跑住嚟chill！而賽後仲設有嘉年華會，提供各式Monchhichi至愛美食，好似萌爆Monchhichi造型曲奇、七彩爆谷、長洲大魚蛋、一口鮑魚等，更有多個攤位遊戲同Monchhichi拍照區，現場大家都一定玩得好開心啊！

黛安仲知道，為食跑活動主要係透過參加者喺為食跑中所消耗嘅卡路里轉化成同等卡路里嘅食糧，再捐去「J Life啓愛共融社區中心」，為深水埗區內的有需要人士籌集食物，相當有意義！