【聲明】港生活網站並無進行電話推廣活動

《牛下女高音》夠入屋 吳岱融獲小孩送抱︰感動到喊

發佈時間: 2019/10/14

無綫劇集《牛下女高音》播映一周反應不俗,觀眾讚劇情夠勵志貼地。在劇中飾演失意中佬的吳岱融,不但擺脫霸氣「鷲哥」的奸角形象,他昨日出席活動時,更透露成功吸納小朋友粉絲,令他感動又開心。

吳岱融與王綺琴昨日到粉嶺出席新店活動,吳岱融透露因《牛下女高音》帶挈,他在活動前去酒樓食飯時,被現場小朋友認出。他開心說︰「小朋友好天真,佢見到我,即跑過嚟攬住我,嗰下我真係好感動,直情warm到想喊。」

吳岱融大讚《牛下》劇情寫實貼地,劇本寫得好,除了他之外,劇中其餘幾位「中佬」也很喜歡這部劇︰「寫到我哋嗰個年代嘅中佬,我細個喺徙置區長大,有啲人可能捱到今日都無成就,但其實無病無痛已經好開心。」

曾遇高低起伏

他自言經歷過人生高低,明白人生必定有開心和不開心,最重要懂得調節。他說︰「我今年已經60歲,我嘅角度係同屋企人一齊最重要。可能拍劇嗰日表現唔好會唔開心,但瞓醒覺或者沖個涼就會無事,人生都係遇生老病死或者灰色地帶嘅嘢,呢啲都係必然。爸爸都教我最重要係接受。」

撰文︰Pauline

編輯︰李潔盈

美術︰梁政敏

攝影︰林良明

吳岱融在劇中大開金口,獻唱不少歌曲。

王綺琴(左)昨日亦抽空出席活動。