【聲明】港生活網站並無進行電話推廣活動

網民因心穎罷睇《牛下》 吳岱融籲包容

發佈時間: 2019/10/15

目前熱播的劇集《牛下女高音》故事貼地,尤其幾位「中佬」演員吳岱融、蔣志光、曾偉權及歐瑞偉等,都獲觀眾讚賞。可惜,劇集一度受黃心穎的「安心事件」拖累,監製最終未有刪剪她的戲份,但有網民揚言要熄機罷睇,對此,吳岱融希望大家多多包容。

吳岱融與蔣志光等四位「中佬」,昨日到將軍澳電視城為節目《兄弟幫》錄影,並為新劇《牛下女高音》造勢。吳岱融認為故事夠貼地,因此吸引一批觀眾支持,收視及口碑相信都不錯。談到有網民因劇中有黃心穎而揚言熄機,吳岱融說︰「都有朋友發呢個消息畀我,我覺得不如多啲睇劇情啦。事實上心穎同張振朗都演得好好,有生活感,網友應該包容一下。(覺得對劇中一班『中佬』唔公平?)暫時反應唔太差。套劇係集中講中佬,之前曾話唔知幾時播同考慮重拍,咁依家原汁原味仲好睇。」

與太太四海為家

另外,談到他近日在馬來西亞租住四千呎豪宅,岱融直認在大馬、新加坡及泰國都有租樓,還說與太太鍾淑慧四海為家,兩人都喜歡陽光與海灘,加上自己已「登六」,正好過着悠閒生活。問到何時考慮置業?他說︰「係都會揀新加坡,因為政府會支持,買樓平好多,依家馬來西亞間屋都係租16,000元,露台成千呎,不過太太怕凍,之前本來接咗套民初劇要去橫店,但太太真係會凍到喊,最後推咗。」

撰文︰Pauline

攝影︰林良明

編輯:黃寶恩

美術:梁政敏

心穎和張振朗在《牛下》假扮夫妻,有不少對手戲。(IG圖片)