陳展鵬同單文柔（Phoebe）去年拉埋天窗，婚後無耐就宣布有喜，之後生了可愛女兒「小豬比」Quinta，成為「1+1+1」嘅幸福家庭。轉眼間二人迎來結婚一周年，昨日單文柔將去年為婚禮拍攝的MV重新剪輯上載，並留言：「Happy 1st anniversary ❤️ My life partner，最好的禮物去年你已送給我，我最愛的歌，你也把我寫進去，滿足。」甜蜜隔空向老公示愛，MV的音樂用上展鵬深情演唱的《差半步》，相當浪漫，難怪Phoebe咁鍾意，到依家仍然冧爆！
相關新聞：【單文柔冇份？】陳展鵬買相機又學影相 原來只為做一件事
（老婆甜蜜示愛，IG圖片）
陳展鵬同單文柔就算已為人父母，還是跟熱戀中一樣，陳展鵬幾忙於工作都願意陪伴老婆同小豬比，又做過不少甜蜜舉動，唔少網友都讚他是好老公！
（小豬比超可愛！IG圖片）
事事以另一半為先
單文柔懷孕之後，陳展鵬事事以佢為先，一得閒就陪伴左右，之前老婆搞Baby shower，陳展鵬就算前一晚通宵拍完戲，無論身體幾累，都即刻趕返嚟。到太太生產時，他又入產房為太太打氣，更親自為小豬比剪臍帶，見證這個人生的重要一刻！
（IG圖片）
落力照顧BB
陳展鵬出名錫小豬比，囡囡未出生時他已經練習定點樣照顧BB，佢在IG上傳過自己上育嬰班的相片，示範親自幫道具BB換尿片，又留言講：「豬爸爸豬媽媽Are you Ready？I am Ready」當Quinta出世後，只要展鵬唔使拍劇，一定落力湊B做奶爸。展鵬又曾自爆對女兒好緊張，小豬比初生時，因怕囡囡受外來細菌感染，每天放工回家都會全身消毒，換衫先同囡囡玩。
相關新聞：【精選星B相集】陳展鵬單文柔B女終亮相 明星家長原來都守一個傳統..
（陳展鵬一早練定點湊B，IG圖片）
（親自為阿女剪臍帶，IG圖片）
（IG圖片）
製造獨處時間
就算做了爸爸，忙住照顧前世情人，陳展鵬都唔會忙記自己心愛的老婆，他深知單文柔照顧BB好辛苦，有時又要出席活動，所以一得閒佢就陪太太撐枱腳食飯。之前陳展鵬又帶老婆去外地旅行，享受二人世界，增進夫妻感情。
（同老婆去旅行嘆世界，好Sweet，IG圖片）
適當甜言蜜語氹老婆
適當的甜言蜜語是可以讓夫妻關係更和諧，陳展鵬不時都會在社交網公開示愛，冧爆單文柔，如「身份多了，但也不能忘本。我也是她的終身情人」、「也是唯一的」。
（IG圖片）
撰文：羅慧怡