《金宵大廈》結局講述「阿蕭」（陳山聰飾）穿越時空，雖未能改變自己前世「旭輝」與「Alex」前世「Coco」（李施嬅飾）的死劫，卻彌補遺憾、一起睇流星雨，更產生了蝴蝶效應，令平行時空中的Alex得以生存下來，連金宵大廈的街坊都有好結局（詳細解說：《金宵大廈》結局四大未解之謎 李施嬅戲中難逃死劫竟改寫各人命運？）。戲內單元主角們互不認識，戲外一班演員則感情極好，相約到酒樓齊齊睇劇，陳山聰、李施嬅睇到眼泛淚光，林子善更投入到淚崩，大家還一齊合唱主題曲《今宵多珍重》。
(TVB電視截圖)
(TVB電視截圖)
李施嬅、陳山聰話播完會請演員、幕後工作人員食飯，陳山聰更承諾如最後一集的收視超過30點，就會穿Coco戲中的低胸貼身舞裙跳辣舞！
(TVB電視截圖)
雖未知收視如何，不過不少觀眾都激讚劇情懸疑感十足，那就要感謝一班演員與幕後，為製作《金宵大廈》出了不少力，2位主角就上《東張西望》解釋：
1. 有場戲恐怖氣氛嚇破膽？
陳山聰大爆他進入電子遊戲「恐怖大廈」裡面探險那場戲好恐怖:「嗰個我自己拍嘅時候都驚㗎，劇本寫出嚟係寫咗個感覺，但係到我真係去到現場，嘩大佬好驚喎（你自己都Feel到心寒？）心寒！」
(TVB電視截圖)
(TVB電視截圖)
2. 有場戲拍足一晚？
陳山聰續說：「20集最鍾意係我哋隔住個升降機門傾偈嗰場，我嗰晚睇咗3次...拍嗰場戲搞咗好耐，拍到通宵！好少劇集係一場戲，唔係大打，純粹大家傾偈。」而李施嬅就話最鍾意結局阿蕭同Alex對望那幕：「我睇劇本直頭話：『呢個絕呀！』」
(TVB電視截圖)
3. 有場戲眼淚放題？
李施嬅指旭輝與Coco在船上臨死時最動人：「我唔需要培養，即刻拍就大喊！」陳山聰很認同：「第一個鏡頭啊，但原來拍完先知係遠景...因為我哋嗰陣係真感情，流眼淚流到控制唔到，惟有要等，再嚟過。」
(TVB電視截圖)
4. 有場戲好尷尬？
李施嬅戲中要扮演風騷Coco，其中一場在舞廳的性感舞更加是個人表演：「大家都知我本人唔係行嗰條路線，所以係好大挑戰，同埋豁出去。我喺度扭，啲人喺度望住我，其實好尷尬！」另外通渠那場也是。
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)
最後陳山聰大爆阿蕭金句「阿蕭精神」是自己臨開拍前去旅行，在車上發白日夢創作出來，李施嬅笑言橋不怕舊，加上阿蕭性格傻乎乎，很適合。
(TVB電視截圖)
李施嬅就話個人比較喜歡阿蕭：「旭輝因為太鍾意賭錢，我唔係咁鍾意爛賭嘅人。兩個都好錫另一半，只不過阿蕭比較單純，又幾得意，又識照顧你，通渠、整燈膽乜都得，係個好好嘅住家男人。」至於陳山聰就喜歡Alex：「我鍾意Alex個性格」，李施嬅笑言Alex表面很獨立，內裡好黐身，但陳山聰就堅持話好鍾意：「我太太（Apple）依家咪咁囉，扮唔黐！」
(TVB電視截圖)
(TVB電視截圖)
撰文：張芷晴