《愛回家之開心速遞》近日出現新面孔，正是馬海倫飾演的接龍清潔女工「阿蘇」，不過她的出現充滿神秘感，而且有種陰險的感覺。前晚一集，阿蘇的家中有一個貼滿大龍生（羅樂林飾）的照片牆，畫上多個血紅色的交叉，似乎要對付大龍生。她說：「龍敢威，我等咗咁多年，終於畀我有呢個機會。你對我唔住，我唔會畀你好過，我要你身邊嘅女人一個一個咁消失...」暫時只知就是群姐（許思敏飾）的下屬，而且主動埋龍家身，要向大龍生（羅樂林飾）報復。到底佢係邊個？點解要搵大龍生報仇？
（圖片：馬海倫IG)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
不少網友都紛紛留言估到底阿蘇係大龍生咩人，大部分人都估係大龍太。不過小編翻查資料，大龍太是由溫裕紅所飾演，而且劇集早已交代過她已死去，相信機會不大，至於會否是大龍生的風流情人呢？照常理，如果同大龍生拍過拖，大龍生又不會認不出她，到底阿蘇係邊個呢？《晴報》特別訪問《愛回家》的部分演員，當中包括「Ma姐」何綺雲、「群姐」許思敏和「細龍生」鄭世豪，希望從中可以得知一丁點線索，等大家估得無咁辛苦。
相關新聞：《愛回家》細龍生四美相伴賀生日 合照洩新演員加入同群姐搶飯碗
(圖片：《愛回家之開心速遞》電視截圖)
(圖片：《愛回家之開心速遞》電視截圖)
「群姐」許思敏說：「佢成日黐埋龍家班人，講晒好說話，想討好佢哋，埋佢哋身，你咁就想上位？謀住我清潔部主管個位，取代我喺接龍集團嘅地位，係唔係吖？」這一幕在廁所發生，而阿蘇聽到群姐咁講，即時放鬆心情，似乎群姐只是擔心地位不保而亂估。
(圖片：《愛回家之開心速遞》電視截圖)
何綺雲說：「我喺接龍集團咁低層，點會知龍家咁多秘密呀？不過依我估，好明顯一定係大龍生啲舊菜啦，佢一直都咁風流。」
(圖片：《愛回家之開心速遞》電視截圖)
鄭世豪說：「我未收到劇本實在唔知，不過會唔會佢係我真正媽咪？如果係就真係夠晒亂，不過Helen姐之前《金石良緣》都演過我媽咪。」
(圖片：《愛回家之開心速遞》電視截圖)
聽完幾位分析，有冇少少頭緒呢？小編睇完《街坊財爺》有個大膽假設...如果蘇八是送水輝（許家傑飾）的媽媽，可能蘇八係為了囝囝未能娶大小姐而向大龍生報仇...不過當然，都只是小編天馬行空地想。不過，馬海倫雖然暫時是客串演出，但都相當難得，事實她正忙於為《大步走》和《木棘証人》開工拍攝，實在非常辛苦，而且她為《木棘証人》劇在飛鵝山拍攝入夜戲期間，不小心拗柴扭傷腳，但她都堅持繼續拍攝，實在敬業樂業，值得敬佩。
相關新聞：《愛回家》 馬海倫半世紀貢獻觀眾無回報 廿歲靚過韓星 揚威海外才女背景估你唔到
馬海倫在《木棘証人》與演員的合照。(圖片：馬海倫IG）
馬海倫在劇集《大步走》中都有參與演出。(圖片：馬海倫IG）
撰文：楊安莉