「三哥」苗僑偉與戚美珍是圈中模範夫婦，近日他們與一對子女Murphy及Phoebe到加拿大雪山旅行睇靚景，盡享家庭樂。只見苗僑偉攬實老婆戚美珍。其實苗僑偉去年已「登六」，但外貌依然型過不少小生。不說不知道，原來苗僑偉疑曾因得罪高層被TVB雪藏，陷入低潮，當時甚至與另一半戚美珍瘋狂鬧分手，幸好這些難關最後統統都被他迎刃而解！
黃金時代太辛苦拒簽長約 曾陷低潮因梁家樹翻身
苗僑偉爸爸患癌過世，他自幼和母親相依為命。為幫補家計，他輟學當3年木工學徒，輾轉考入訓練班。80年代，苗僑偉與湯鎮業、黃日華、劉德華、梁朝偉「五虎將」幾乎主演所有劇集。後來苗僑偉在《射鵰英雄傳》中飾演「楊康」紅極一時，TVB遂把他和翁美玲打造成金童玉女，拍攝《天師執位》、《楚留香之蝙蝠傳奇》、《決戰玄武門》、《生鏽橋王》。
(《射鵰英雄傳》電視截圖)
可苗僑偉接受傳媒訪問時坦言，當時試過捱5日5夜沒休息，整個人企不穩、說話不清，辛苦到他和劉德華為自由不肯續簽5年長約，疑因此得罪高層，被TVB雪藏1年幾。及後苗僑偉轉投電影圈，惟成績不如理想。幸好，苗僑偉與戚美珍投資的眼鏡店生意有回報，於是不再接戲。從眼鏡店老闆做到集團主席，苗僑偉業務分布香港、加拿大及內地，在90年代中成為香港最大的眼鏡連鎖店。
經營了14年生意，苗僑偉賣盤離場，這時監製梁家樹邀請他拍《學警雄心》，獲提名視帝。2004年，苗僑偉復出，隨着《學警狙擊》、《刑警》熱播，人氣再提升，還靠《使徒行者》以及《使徒行者2》「卓Sir」一角首膺大馬視帝。2017年，苗僑偉於《新射鵰英雄傳》演「黃藥師」被網民激讚。2018年，苗僑偉主演的網劇《飛虎之潛行極戰》於內地勁收45億點擊率。月前，電影《掃毒2天地對決》叫好叫座；邵氏網劇《飛虎之雷霆極戰》在內地熱播，監製樂易玲仲公布開拍《飛虎III》，如今苗僑偉亦正趕拍《使徒行者3》，難怪他說：「凡事要有正能量，唔會諗到太灰。」
(《學警雄心》電視截圖)
(《學警狙擊》電視截圖)
(《刑警》劇照)
(《使徒行者》電視截圖)
(《掃毒》劇照)
(《新射鵰英雄傳》劇照)
戚美珍性格火爆常鬧分手 4大招數收服成模範夫婦
除了事業難關，苗僑偉又大爆當時在TVB撻著的戚美珍是個港女，性格火爆，去到結婚初期仍常常鬧分手，甚至講過「一世唔愛苗僑偉」的誓言。不過苗僑偉願意為她做4大舉動，把她收服。
(《飛越十八層》電視截圖；苗僑偉、戚美珍微博)
第一，包容、主動示好，苗僑偉說：「拍拖好似8年抗戰，好在三嫂易氹，『退一步海闊天空』我經常用到。」第二，杜絕緋聞，苗僑偉說：「拍戲有靚女喺身邊，但我唔花心，唔會喺出面自取麻煩！」第三，戚美珍試過變得心廣體胖，譚詠麟還封她做「何文田肥珍」，但苗僑偉不介意：「每個人年紀都會大，冇理由生完小朋友就丟咗佢。做男人要承擔，同你生活咁多年，唔可以半途拋棄佢，我一定照顧佢一生一世。」第四，保護戚美珍素顏。近日他與戚美珍到銅鑼灣寵物店玩小狗，發現記者時苗僑偉即出門與記者吹水，好Man！
(苗僑偉、戚美珍微博)
(苗僑偉、戚美珍微博)
(苗僑偉、戚美珍微博)
撰文：張芷晴