陳柏宇承認工作量減少

陳柏宇（Jason）昨午到奧海城出席微電影《左右．愛》首映禮，這是他首次演出有關器官捐贈的微電影。提到近日不少歌手更改個唱開場時間，甚至決定取消個唱，正忙於為下月兩場音樂會綵排的Jasion，坦言不太擔心，但直認工作量受影響。

陳柏宇昨日出席有份演出的微電影《左右．愛》首映禮，短片內容關於器官捐贈，他在片中飾演一名受惠者角色，問他在現實中可有登記器官捐贈？Jason表示︰「我喺加拿大同香港都有登記，太太都知道，無話商量唔商量，呢啲係個人意願。不過我都有講畀屋企人知，太太遲啲都會登記，但我未幫佢搞。」

湊女早睡早起

Jason將於下月初參與兩個音樂會，包括11月5日與方皓玟假會展開騷，而11月7日則與林二汶、林奕匡、葉巧琳、小塵埃和黃妍舉行《賞聽。給我愛過的廣東歌音樂會》，該音樂會已由原本8月延至下月初演出，惟社會運動持續，近日多位歌手如馬浚偉、蔡一傑及台灣歌手陳綺貞等的演出也受到影響，問Jason可會擔心開騷不成？他表示︰「群星音樂會主要唱80至90年代嘅經典歌，希望唔會延期啦，我都唔太擔心嘅，幾時唱其實分別唔大，都係聽公司安排。」

至於其他工作可有受到影響？Jason坦言近月的工作量明顯下降，他無奈表示︰「咩原因少咗嘢做就唔知，但做歌手係會有呢啲時候，都有旺季同淡季之分，錄音嗰陣就會比較忙啲。（開騷前會否無時間湊女？）冇問題，綵排都係幾個鐘，好少由朝練到晚，同埋呢排都早睡早起，今朝仲早過個女起身。」

撰文︰倪小珊

編輯︰陳禮恒

美術︰梁政敏

攝影︰林良明