【聲明】港生活網站並無進行電話推廣活動

寵物大過天 唐詩詠:揀男友要問准愛貓

發佈時間: 2019/10/21

唐詩詠、葉蘊儀及黃德斌等昨日出席沙田馬場《時尚煲呔賽馬日》,詩詠最近收養一隻貓BB,連同家中愛貓共三隻。她笑言近日化身奶媽,朝朝起身餵奶給貓B,又揚言將來結識男友,對方必須先過三隻愛貓一關。

唐詩詠昨日身穿低胸蝴蝶裙現身,只見裙子非常寬鬆,雖然她已做足安全措施,但走路時仍小心翼翼。她表示近日收養了一隻快兩個月大的貓BB,因忙於照顧牠而消瘦了:「依家每晚隔三個鐘便要輪流餵貓,所以無時間睡覺,我覺得自己好似奶媽!」

詩詠表示現在太掛住貓B,出街只想快點回家,問她豈非沒時間拍拖?她未聽完問題便說:「無時間生BB?我覺得如果生埋小朋友,會完全無晒時間,如果將來生BB,第一年都會想(停工)照顧佢。我依家已經咁掛住隻貓,更何況係BB。」提到她與緋聞男友、「補習界王力宏」陳思銘的發展如何?她不願多談:「講咗好多次唔講,唔係事實就唔講。(對方投訴?)佢始終唔係圈中人。」她直言將來另一半必定要喜歡小動物,她說:「要問過我三隻貓,試過帶個發展中嘅男仔返屋企,我都feel到我隻貓唔鍾意。」

葉蘊儀拒公開瘦身餐單

同場的葉蘊儀為大會設計禮帽,更親自示範自家設計:「每頂帽用兩日時間造,海外都有客人搵我設計。」提到她早前跟隨營養師的餐單,以食海鮮方法成功瘦身,有否因此多了工作?她說:「減肥都係為健康着想,多咗工作係bonus。」她笑言很多朋友問她索取減肥餐單:「朋友一定覺得我好衰,問親我都話畀唔到,因為每個人體質、血型都唔同,未必人人都適合。」

採訪:Pauline

編輯:李潔盈

美術:梁政敏

葉蘊儀希望外國流行的禮帽能在香港普及。