健身操過龍 衛詩雅手瓜變粗

衛詩雅昨天以嘉賓模特兒身份現身沙田馬場，穿上淑女禮服的她明顯健碩不少，她解釋為新戲角色，跟一位魔鬼教練操肌：「雖然導演話我個角色有衫着，但係我想着住衫都有健碩效果。依家隔日操，操咗一個月。前一晚我操完照鏡，都擔心着晚裝會唔會太大隻，教練仲安慰我唔會。」

詩雅表示現時全力操弗，但因運動量大增，加上睡眠不足，擔心會捱不住而病倒：「套戲下個月開，但依家好多變數，如果改期，會拍另一套先。但另一套戲我嘅角色好弱質纖纖，我依家咁大隻都唔知點算，就快有精神病，不過演員就係咁。」