慈善義賣朱古力禮盒 助貧苦兒童改善生活

日本人氣卡通「貓狗寵物街」TAMA and FRIENDS係唔少「貓奴」及「狗奴」嘅至愛，黛安收到風，最近基督教勵行會就同「貓狗寵物街」合作，推出Mrs. Fields心形慈善朱古力禮盒，喺下個月舉行嘅「Season of Love」活動義賣。

公關姊妹話，活動嘅收益將會撥捐基督教勵行會，用嚟支援香港低收入家庭兒童，同埋青海省孤兒及殘障兒童，希望改善佢哋嘅生活。

呢個充滿歡樂節日氣氛嘅禮盒，內有由美國進口材料製作嘅果仁及雜果牛奶朱古力，送禮自用都好適合，每盒義賣價120元。除咗食得又睇得嘅禮盒外，今次活動仲有限量版慈善手提袋及慈善餐袋，義賣價只係100元，鍾意「貓狗寵物街」嘅朋友仔，可以瀏覽網頁www.christian-action.org.hk/seasonoflove，了解下點樣訂購呀。